APM၊ ဩဂတ်စ် ၂၄ / ၂၀၂၃
ယူကရိန်းနိုင်ငံ အရှိမြောက်ပိုင်း ရွမ်နီမြိုဟိ စာသင်ကျောင်းတကျောင်းကို ဩဂတ်စ် ၂၃ ရက်နိတွင် ရုသျှဖက်မှ မောင်းသူမဲ့ လီယာဉ် နန့် တိုက်ခိုက်ခရာ ပညာရီးဝန်ထမ်း ၄ ယောက်သီဆုံးခသည်ဟု ယူကရိန်း အရေးပေါ်ဌာနက ပြောကြားသည်။
ရုသျှနိုင်ငံမှ အီရန်နိုင်ငံလုပ် Shahed အမျိုးအစား မောင်းသူမဲ့လီယာဉ်နန့် ဩဂတ်စ် ၂၃ ရက်နိ ဒေသစံတော်ချိန် မိုးထ ၁၀ နာရီကျော်တွင် ယူကရိန်းစာသင်ကျောင်းထဲသို ဗုံးကြဲတိုက်ခိုက်မှုများ ပြုလုပ်ခသည်ဟုဆိုသည်။
အဆိုပါ တိုက်ခိုက်မှုကြောင်း ကျောင်းဒါရိုက်တာ၊ လက်ထောက်ညွှန်ကြားရီးမှူး၊ အတွင်းရီးမှူး နန့် စာကြည့်တိုက်မှူး လူ ၄ ယောက် သီဆုံးခကြောင်း အာဏာပိုင်များက ဆိုသည်။
ယင်းအပြင် အဆိုပါ ကျောင်းအနီးအနားဟိ လမ်းများတွင် ဖြတ်သန်းလားလာနီသည့် လူ ၄ ယောက်မှာလေ့ ထိခိုက်ဒဏ်ရာရဟိခကြောင်း ပြည်ထဲရီးဝန်ကြီး Ihor Klymenko က ပြောကြားခသည်။
အလားတူ ကုန်ခသည့် ၂၀၂၂ ခုနှစ်ကလည်း ရုသျှမှ ပစ်လိုက်သည့် ဒုံးကျည်တစင်းသည် ယူကရိန်းဟိ စာသင်ကျောင်းအတွင်း ကျရောက်ပေါက်ကွဲခရာ လူ ၆၀ သီဆုံးခပြီး လူ ၃၀ လောက် ထိဒဏ်ရာရဟိခသိမ့်ကြောင်း သိရသည်။
Source – 4 killed in Russian attack on Ukrainian school
Photo – Reuters
