APM ၊ မာ့ချ် ၄ /၂၀၂၄
ကျောက်ဖြူမြို့နယ်၊ အောင်စေတီရွာနား ကာရီဘောင်မာ စစ်ကောင်စီ ထောင်ထားရေမိုင်းကို တ က်နင်းမိလို့ မာ့ချ် ၃ ရက်နိ၊ညဇာက အပြစ်မဲ့အရပ် သားပြည်သူ တယောက် ပြင်းပြင်းထန်ထန် ဒဏ်ရာရလားခကြောင်း သိရပါရေ။
ဒဏ်ရာရဟိခရေလူကတော့ ကျောက်ဖြူမြို့၊ ကုလာဘာတောင်ရပ်ကွက်က ဦးဘယဉ်ထွန်း ဖြစ်ပါရေ။
ဦးဘယဉ်ထွန်းစွာ မာ့ချ်လ ၃ ရက်နိ ညဇာ ၄ နာရီ ၅ မိနစ်အချိန်မာ ရမ်းဗြဲမြို့နယ်၊လေးတောင်တိုက်နယ်က အလုပ်လုပ်ရာမှ ကျောက်ဖြူမြို့သို့ပြန်လာရာ ကျောက်ဖြူမြို့ နယ်၊ ဂုံးချွိန် တိုက်နယ်၊ နှမ်းဖဲတော င်ရွာမှ အောင်စေတီရွာဖက်သို့ ချောင်းကို လက်ပစ် ကူးလာခပါရေ။
အောင်စေတီရွာမှကျောက်ဖြူမြို့၊ငလပွိရပ်ကွက်သို့ကူးဖို့ ခါ အောင်စေတီရွာ၏ ကာရီဘောင်အတိုင်းလမ်းလျှောက်လာခရာ ယင်းကာရီဘောင်မာ စစ်ကောင်စီ ထောင်ထားရေမိုင်းကို ဦးဘယဉ်ထွန်း တ က်နင်းမိပြီးကေ ခြီထောက်တဖက်ပြတ်ထွက်လားရေလို့ သိရပါရေ။
လက်ဟိမာ မိုင်းနင်းမိလို့ ပြင်းထန်ဒဏ်ရာရဟိလားခရေ ဦးဘယဉ်ထွန်းစွာ ကျောက်ဖြူမြို့ ဆီးရုံကြီးမာ အရေးပေါ်ဆီးကုသမှုခံယူနီရရေလို့ သိဟိရပါရေ။
မာ့ချ် ၃ ရက်နိ(တရက်တည်းအတွင်း)နိခင်း၁၂ နာရီအချိန် ခန့်က ကျောက်ဖြူမြိုနယ်၊ အောင်စေတီရွာဘုရားကုန်းမာ စခန်းချထားရေ အကြမ်းဖက် စစ်ကောင်စီ တပ်ဖွဲဝင် တိနန့် ရဲတပ်ဖွဲဝင် ပူးပေါင်းအင် အား၂၀ ခန့်စွာ အောင်စေ တီရွာကာရီဘောင်တလျှောက်မာ ၁ နာရီနီးပါး မိုင်းထောင်မှုတိလုပ်နီခရေလို့ မျက်မြင်ဒေသခံတိက ပြောပါရေ။
