APM ၊ မာ့ချ် ၂ /၂၀၂၄
ဒေနိ(မာ့ချ် ၂ ရက်နိ)ညဇာက အကြမ်းဖက် စစ်ကောင်စီက လက်နက်ကြီးနန့် ပစ်လို့ ကမ်းထောင်းကြီးမြို့က အရပ်သားပြည်သူတယောက် ထိခိုက်ဒဏ်ရာ ရလားခကြောင်း သိရပါရေ။
ဒဏ်ရာရလားခလူကတော့ ကမ်းထောင်းကြီးမြို့၊ ရွာသစ်ရပ်ကွက်က ဦးမောင်သန်း ဖြစ်ပါရေ။
မာ့ချ် ၂ ရက်နိ၊ညဇာ ၄ နာရီလောက်ကစလို့ အမ်းမြို့နယ်၊ ကဇူးကိုင်းရွာအရှိမြောက်ဖက်ဟိကုန်းမာ အခြီပြုတပ်စွဲထားရေ စစ်ကောင်စီ၏ ခမရ(၅၄၃) တပ်ရင်းက ကမ်းထောင်းကြီးမြို့နန့် အပါးဟပ်စပ် ရပ်ရွာတိကို လက်နက် ကြီးနန့် (၉)ကြိမ်တိတိပစ် ခတ်တိုက်ခိုက်ခကြောင်း ဒေသခံတိက ပြောပါရေ။
ယင်းအထဲကလက်နက်ကြီးကျည်တလုံးစွာ ကမ်းထောင်းကြီးမြို့၊ရွာသစ်ရပ်ကွက်မာ ကျရောက် ပေါ က်ကွဲခပြီးကေ အနားမာဟိရေ ဦးမောင်သန်း၏ ဘေးစကို ကျည်စထိမှန်လားခရေလို့ ဆိုပါရေ။
မာ့ချ် ၂ ရက်နိ (ဒေနိတရက်တည်း)နိခင်း ၁၁ နာရီလောက်ကလည်း အကြမ်းဖက်စစ်ကောင်စီတပ်စွာ အမ်းမြို့နယ်၊ တပ်တောင်မြို့နန့်အပါးဟပ်စပ်ရပ် ရွာတိကို Y-12 ထောက်ပို့လီယာဉ်နန့်ဗုံးကြဲတိုက် ခိုက်ခလို့ ယင်းဗုံးသီးတိစွာ တပ်တောင်မြို့ဟိ အထ က်တန်းကျောင်းအဆောင်တိ၊ခြံစည်းရို့တိ၊ လူနီအိမ်တိအပါအဝင် အဆောက်အအုံတိ ပျက်စီးခရပါသိမ့်ရေ။
အလားတူ တချိန်တည်းမာပင် အမ်းမြို့နယ်၊ မော်ကြီးရွာကိုလည်း အကြမ်း ဖက်စစ်ကောင်စီက ဂျက်တိုက်လီယာဉ် တစီးနန့် လာရောက် ဗုံးကြဲခလို့ လူနီအိမ်အဆောက်အအုံတချို့ပျက်စီးခရပြီးကေ ဒေသ ခံရွာသားတိအားလုံး ဖီးလွတ်ရာသို့ ထွက်ဗြီးတိမ်းယှောင်နီကတ်ရရေလို့လည်း သိဟိရပါရေ။
