APM၊ ဂျန်နဝါရီ ၃၀/၂၀၂၄
အကြမ်းဖက် ဖက်ဆစ် စစ်ကောင်စီတပ် ခမရ (၃၇၉) တပ်ရင်း၏အချုပ်ခန်းအတွင်း ဖမ်းဆီးချုပ်နှောင်ထားရေ အ ပြစ်မဲ့အာရက္ခပြည်သူ ၂ ယောက်ကို စစ်ကောင်စီတပ်ဖွဲ့ဝင်တိက ဂျန်နဝါရီ ၁၉ရက်နိမာ ဥပဒေမဲ့ လူမဆန်စွာရက် ရက်စက်စက် သတ်ဖြတ်ခကြောင်း သိရပါရေ။
မတရားဖမ်းဆီးချုပ်နှောင်ယင်း လူမဆန်စွာ သတ် ဖြတ်ခံရရေအပြစ်မဲ့ အာရက္ခပြည်သူ ၂ ယောက်က တော့ ရသေ့တောင်မြို့နယ်၊ သရက်ချောင်းက အဖ ဦးဘသိန်း၏သား ကိုညီညီအောင် (ခ) အောင်ဇော်ဝင်းနန့် မင်းပြားမြို့၊ဥက္ကာ ပျံရပ်ကွက်က အဖ ဦးသိန်းမြင့်၏သား ဦးကျော်ညွန့် ရို့ ဖြစ်ကတ်ပါရေ။
ကိုညီညီအောင်ကို ၂၀၂၂ ခုနှစ်၊ စပ်တမ်ဘာ ၁၉ ရက်နိ ညဇာ ၃ နာရီ ၄၅ မိနစ်အချိန်၊ မင်းပြားမြို့ နယ်၊ နရမ်းခွဆုံမာ အကြမ်းဖက် စစ်ကောင်စီတပ် ခမရ (၃၇၉)က တပ်ဖွဲ့ဝင်တိကဖမ်းဆီးခပြီးကေ မတရားအသင်းဆက်သွယ်မှုပုဒ်မ ၁၇(၁)၊(၂)တပ်ပနာ မင်းပြားမြို့မြို့မရဲစခန်းအချုပ်ထဲ ၁၀ လ၊ ခမရ (၃၇၉) အချုပ်ခန်းမာ ၂ လ နှစ်ကြိမ်၊ စုစု ပေါင်း ၁ နှစ် နန့် ၂ လတိတိ မတရားချုပ်နှောင်ထားခပါရေ။ ယင်းနောက် ခမရ(၃၇၉) အချုပ်ခန်းအတွင်း ချုပ်နှောင်ထားချိန်၊ဂျန်နဝါရီ ၁၉ ရက်နိမာ အကြမ်းဖက်စစ်ကောင် စီတပ်ဖွဲ့ဝင်တိက ယင်းအချုပ်ထဲမာပင် ကိုညီညီအောင်ကို မသီမချင်း သီနတ်နန့်ပစ်သက်ခကတ်ပါရေ။
ဦးကျော်ညွန့်ကိုလည်း၂၀၂၂ ခုနှစ်၊အောက်တိုဘာ ၈ ရက် နိ၊ညဇာ ၄ နာရီ မိနစ် ၃၀ အချိန်၊ မင်းပြားမြို့ ၊ဥက္ကာပျံရပ် ကွက်မာ အကြမ်းဖက်စစ်ကောင်စီတပ် ခမရ (၅၄၁)၊ခမရ (၃၇၉)၊ ခမရ(၃၈၀) တပ်ဖွဲ့စုံရို့က ဖမ်းဆီးခပြီးကေ မတ ရားအသင်း ဆက်သွယ်မှုပုဒ် မ ၁၇(၁)၊(၂)တပ်ပနာ ခမရ (၃၈၀)မာ ၃လခွဲ၊ မင်းပြားမြို့မရဲစခန်းမာ ၁၀ လ၊ ခမရ (၃၇၉)မာ (၂) လ၊ စုစုပေါင်း ၁ နှစ် ၃ လခန့် မတရားချုပ်နှောင်ထားခပါရေ။ယင်းနောက် ခမရ (၃၇၉) တပ်ရင်း၏ အ ချုပ်ခန်းအတွင်း ချုပ်နှောင်ထားချိန်၊ဂျန်နဝါရီ ၁၉ ရက် နိမာ အကြမ်းဖက် စစ်ကောင်စီ တပ်ဖွဲ့ဝင်တိက ယင်းအချုပ်ထဲမာပင် ဦးကျော်ညွန့်ကို မသီမချင်း သီနတ်နန့်ပစ်သတ်ခကတ်ပါရေ။
စစ်ရာဇဝတ်မှုတိကို ဗြောင်ကျကျ လက်ရဲဇက်ရဲ ကျူးလွန်နီရေ အကြမ်းဖက် ဖက်ဆစ် စစ်ကောင်စီတပ် ခမရ (၃၇၉) တပ်ရင်းက တပ်ဖွဲ့ဝင်တိစွာ ကိုညီညီအောင် နန့် ဦးကျော်ညွန့်ရို့ကို ရည်ရွယ်ချက်ဟိဟိ ကျည်ဘောက်ပြတ်ပစ်ခတ်သတ်ဖြတ်ခရေလို့ မျက်မြင်သက်သီတိက ဆိုပါရေ။
