APM၊ နိုဗမ်ဘာ ၂၇ / ၂၀၂၃
ဒေနိ (နိုဗမ်ဘာ ၂၇ ရက်နိ) ညဇာ ၈ နာရီကျော်လောက်ကစလို့ စစ်ကောင်စီစွာ မြောက်ဦးမြို့နယ်ကျေးရွာ အနားတိသို့ လက်နက်ကြီး၊လက်နက်ချေတိနန့် ဆောက်တည်ရာမရ ယမ်းသန်းပစ်ခတ်နီကြောင်း သိရပါရေ။
ညဇာ ၈ နာရီကျော်လောက်ကပင် လက်ဟိအချိန်ထိ မြောက်ဦးအခြီစိုက် စစ်ကောင်စီတပ်ရင်း ခမရ (၃၇၇) နန့် ခမရ (၃၇၈) တပ်ရင်းတောင်ကုန်းထက်ကနီ အပါးဟပ်စပ် ရပ်ရွာတိသို့ ကြောက်ကြီးသန်ဖက်ကျပနာ ဆောက်တည်ရာမရဘဲ လက်နက်ကြီး၊ လက်နက်ချေတိနန့် တရစပ် ဆက်တိုက် ပစ်ခတ်လျက်ဟိပါရေ။
ယင်း လက်နက်ကြီးတိစွာ မြောက်ဦးမြို့နယ် ၊ ကင်းဆိပ်၊ ကလက၊ ချောင်းနာရွာ စရေ ကျေးရွာနားတိမာ ကျရောက် ပေါက်ကွဲနီကြောင်းလည်း သိရပါရေ။
လူမဆန်ရေ အကြမ်းဖက်စစ်ကောင်စီ၏ လက်နက်ကြီး၊ လက်နက်ချေကျည်တိကျရောက်ပေါက်ကွဲမှုကြောင့် လူ နန့် နီအိမ်အဆောက်အအုံတိ ထိခိုက်ပျက်စီးမှု ဟိ၊ မဟိ အသေးစိတ်ကို ဆက်လက် စုံစမ်းနီပါရေ။
Please follow and like us:
