APM၊ နိုဗမ်ဘာ ၂၇ / ၂၀၂၃
ပုဏ္ဏားကျွန်းမြို့နယ် ကျော်ဇံကျေးရွာမာ နိုဗမ်ဘာ ၂၆ ရက်နိ ညဇာ ၅ နာရီ လောက်က စစ်ကောင်စီ ရီတပ်သင်္ဘောက ပစ်လိုက်တေလက်နက်ကြီးကျည် နောက်ထပ် ၁ လုံး ပေါက်ကွဲဘဲ ကျန်ဟိနီကြောင်း သိရပါရေ။
ကုလားတန်မြစ်ထဲမာ လားလာပြီးကေ လူနီကျေးရွာတိသို့ ရည်ရွယ်ချကိဟိဟိ ပစ်ခတ်နီရေ စစ်ကောင်စီ၏ ရီတပ်သင်္ဘောက ပစ်လိုက်တေ လက်နက်ကြီး ကျည်နောက်ထပ် ၁ လုံး စွာ ကျော်ဇံရွာ ဘုန်းကြီးကျောင်းနားမာ ကျရောက်နီစွာဖြစ်ပါရေ။
ယင်းစစ်ကောင်စီ၏ လက်နက်ကြီးကျည်စွာ အချိန်မရွီးပေါက်ကွဲဖို့စွာကို ရွာသားတိ စိုးရိမ်နီကတ်ပါရေ။
နိုဗမ်ဘာ ၂၆ ရက်နိ၊ နိခင်း ၁ နာရီလောက်ကလည်း စစ်ကောင်စီ၏ ရီတပ်သင်္ဘောက ပစ်လိုက်တေ လက်နက်ကြီး ကျည်တလုံးစွာ ကျော်ဇံရွာ၊ ရွာလယ် လမ်းမထက်သို့ မပေါက်ကွဲ ကျရောက်ခရေလို့ သိဟိရပါရေ။
Please follow and like us:
