APM၊ ဂျန်နဝါရီ ၃၀/၂၀၂၄
ဒေနိဂျန်နဝါရီ ၃၀ ရက်နိမာလည်း အကြမ်းဖက်စစ်ကောင်စီတပ်စွာ ရမ်းဗြဲမြို့ကို ရီကြောင်း၊လီကြော င်းအပြင်လက် နက်ကြီးတိနန့်ပါ ဆက်လက် ဗုံးကြဲ၊ ပစ်ခတ် တိုက်ခိုက်နီခကြောင်း ဒေသခံတိက ပြောပါရေ။
ဂျန်နဝါရီ ၃၀ ရက်နိ၊ မိုးထ ၁၀ နာရီ မိနစ် ၃၀ က စလို့ တိန်ချောင်းရီလက်ကြားမာ ရပ်တန့်ထားရေ စစ်ကောင်စီ နေဗီသင်္ဘောကနီ ရမ်းဗြဲမြို့ဖက်သို့ ဦးတ ည်ပြီးကေ လက်နက် ကြီးတိနန့် (၂၇)ကြိမ်ခန့် ပစ်ခ တ်နီခရေလို့ ဒေသခံတိကပြောပါရေ။
ယင်းနောက် မိုးထ ၁၁ နာရီ ၂၉ မိနစ်မာ Y-12ထော က်ပို့လီယာဉ်တစီးရောက်လာပြီးကေ ရမ်းဗြဲမြို့သိမ်တောင်ဘုရာကုန်း မာဟိရေ စစ်ကောင်စီတပ်ဖွဲ့ဝင်တိကို လက်နက်ခဲယမ်းနန့်ရိက္ခာတိ ချပီးခရေလို့ ဆိုပါရေ။
ယေပြီးကေ အကြမ်းဖက်စစ်ကောင်စီစွာ နိခင်း ၃ နာရီဝန်းကျင်ကစလို့ ဂျက်ဖိုက်တာ တစီးနန့် ရမ်းဗြဲမြို့ကို (၃)ကြိမ်တိုင်တိုင် လာရောက် ဗုံးကြဲတိုက် ခိုက်ခပါရေ။
ယင်းနောက် ညဇာ ၄ နာရီ ၄၅ မိနစ်ကစလို့ အကြမ်း ဖက်စစ်ကောင်စီစွာ Mi-35 ရဟတ်ယာဉ်တစီးနန့်ရမ်းဗြဲမြို့ကို (၆)ကြိမ်ထက်မနည်း လာရောက် ပစ် ခတ်တိုက်ခိုက်ခရေ လို့ သိရပါရေ။
ယင်းအပြင် သိမ်တောင်ဘုရားကုန်းမာ တပ်စွဲထားရေ စစ်ကောင်စီတပ်ကလည်း ရမ်းဗြဲမြို့နန့်မြို့အ နားတဝိုက်နီရာ တိသို့ လက်နက်ကြီးတိ အကြိမ်ပေါင်းများစွာ ဆက်တိုက် ပစ်ခတ်နီခပါသိမ့်ရေ။
ယင်းပိုင် အကြမ်းဖက် စစ်ကောင်စီတပ်က အရပ် သားပြည် သူတိနီထိုင်ရာ မြို့နန့် မြို့နားတဝိုက်သို့ ဦးတည် ပစ်မှတ်ထားပနာ ဗုံးကြဲ၊ ပစ်ခတ်တိုက်ခိုက််မှုတိကြောင့် ဒေနိမာ လည်း ရမ်းဗြဲမြို့ပေါ် ရပ်ကွက်တချို့နန့် ရပ်ရွာတချို့သို့ ဗုံးသီးနန့် လက်နက်ကြီးကျည်တိကျရောက် ပေါက်ကွဲပြီးကေ လူနီအိမ်၊ အ ဆောက်အအုံတချို့ ထပ်မံ မီးလောင် ပျက်စီးခရရေလို့ သိရပါရေ။
