APM၊ နိုဗမ်ဘာ ၂၆/၂၀၂၃
ဒေနိ(နိုဗမ်ဘာ ၂၆ ရက်နိ) ညဇာ ၄ နာရီခွဲလောက်မာ စစ်ကောင်စီနေဗီ က ပစ်လိုက်တေ လက်နက်ကြီးကျည်ကျရောက် ပေါက်ကွဲလို့ ပုဏ္ဏားကျွန်းမြို့နယ်၊ ကျောက်ဆိပ်ရွာက ဘုတ်တစီး မီးလောင်နီကြောင်း သိရပါရေ။
ပုဏ္ဏားကျွန်းမြို့နယ် ယိုးငူရွာအောက်သို့ ရောက်နီရေ စစ်ကောင်စီ နေဗီက ပစ်ခတ်လိုက်တေ လက်နက်ကြီးစွာ ကျောက်ဆိပ်ရွာအရှိဖက် မြစ်နားမာ ကျောက်ချထားရေ ဘုတ်ထဲသို့ ကျရောက် ပေါက်ကွဲခပါရေ။
လက်ဟိအချိန်ထိ ယင်းဘုတ်စွာ မီးလောင်နီတုန်းဖြစ်တေပိုင် ယင်းစစ်ကောင်စီနေဗီကလည်း ယိုးငူရွာ နန့် ကျောက်ဆိပ်ရွာအပါအဝင် နီးစပ်ရာ ကျေးရွာတိသို့ လက်နက်ကြီးလက်နက်ချေတိနန့် တရစပ် ယမ်းသန်းပစ်ခတ်နီပါရေ။
ယင်းကြောင့် လက်ဟိမာ ကျောက်ဆိပ်၊ ယိုးငူ အပါအဝင် အနီးအနား ကျေးရွာတိက ရွာသူ၊ ရွာသားတိအားလုံး ဖီးလွတ်ရာသို့ တိမ်းယှောင် နီကတ်ရကြောင်း သိဟိရပါရေ။
Please follow and like us:
