စစ်ကောင်စီတပ်၏ လက်နက်ကြီးကြောင့် ပုဏ္ဏားကျွန်းမြို့မဈီးတခုလုံး မီးလောင်ပြာကျ
APM၊နိုဗမ်ဘာ ၂၄/၂၀၂၃
ဒေနိ နိုဗမ်ဘာ ၂၄ ရက်နိ၊ မွန်းလွဲ ၂ နာရီကျော်လောက်မာ စစ်ကောင်စီ ရီတပ်သင်္ဘောက ပစ်ခတ်လိုက်တေ လက်နက်ကြီးကျည် ကျရောက်ပေါက်ကွဲလို့ ပုဏ္ဏားကျွန်းမြို့မဈီး တခုလုံးမီးလောင်ပြာကျလားခပြီး ဖြစ်ပါရေ။
စစ်ကောင်စီတပ်၏ လက်နက်ကြီးကျည် (ရော့ကတ်လို့ယူဆရ)ကြောင့် ဒေနိ မွန်းလွဲ ၂ နာရီ ကျော်လောက်ကပင် ပုဏ္ဏားကျွန်းမြို့မ ဈီးမီးလောင်နီစွာရေ ညဇာ ၄ နာရီကျော်မာ ဈီးတခုလုံးပြာကျလားခပြီးကေ ဆက်ကူးစရာမဟိလို့ မီးလည်းသီလားခကြောင်း ပုဏ္ဏားကျွန်းမြို့ခံတယောက်က ပြောပါရေ။
မီးလောင်မှုကြောင့် ဈီးထဲဟိ ဆိုင်ဝန်၊ ပစ္စည်းတိ အားလုံးမီးလောင်ဆုံးယှုံးလားခကြောင်း သူကဆက်ပြောပါရေ။
မြိုခံတိနန့် မီးသတ်ကား ၃ စီး ရို့က ဝိုင်းဝန်းမီးသတ်မှုကြောင့် ၄ နာရီကျော်လောက်မာ မီးသီလားခကေလည်း အာရက္ခပြည်သူတိ နှလုံးသားမာတော့ အဂုပိုင်ရက်ရက်စက်စက် လက်နက်ကြီးနန့် လူမဆန်စွာပစ်ခတ်ခရေ စစ်ရာဇဝတ်ကောင်တိအပေါ် မာ စက်ဆုပ်ရွံချာ အော့နှလုံးနာမှုကြီးမားပြင်းထန်ပြီးကေ နာကြည်းမုန်းတီးလျက် ဟိနီကတ်ပါရေ။
