
APM၊ ဖေဖော်ဝါရီ ၃/၂၀၂၄
အကြမ်းဖက်စစ်ကောင်စီရေ အယင်ရက်တိက ရမ်းဗြဲမြို့ကို လီယာဉ်တိနန့် ဗုံးချ၊ လက်နက်ကြီးတိနန့်ပစ်ပနာ မီးလောင် တိုက်သွင်းနီခရာက ဒေနိ ဖေဖော်ဝါ ရီ ၃ ရက်နိမာတော့ စစ်ကောင်စီတပ်ဖွဲ့ဝင်တိ ကိုယ်တိုင်ကိုယ်ကျ မြို့ထဲသို့ ဝင်ရောက်ပနာ လူနီအိမ်တိကို မီးတိုက်ခကတ်တေလို့ ညီနောင်မဟာမိတ်(၃)ဖွဲ့က သတင်းထုတ်ပြန်ပါရေ။
ညီနောင်(၃)ဖွဲ့၏ဖေဖော်ဝါရီ ၃ ရက်နိထုတ်ပြန်ချက်ထဲမာ”ဒေနိ၊ညဇာ(၅)နာရီ (၂၀)မိနစ်အချိန်ခန့်၌ ရမ်းဗြဲမြို့၊သိမ် တောင်ဘုရားကုန်းမှ အကြမ်းဖက် စစ်ကောင်စီတပ်ဖွဲ့ဝင်များသည် မြို့ထက်ရပ်ကွက်အတွင်းသို့ ဝင်ရောက်လာပြီး အရပ်သားပြည်သူများ၏ နီအိမ်များကို တမင်တကာ လူမဆန်စွာဖက်ဆစ်စိတ်ဓာတ်အပြည့်ဖြင့် မီးတိုက်ဖျက်ဆီး ခကတ်သည်” လို့ ဖော်ပြထားပါရေ။
ယင်းပိုင် ရည်ရွယ်ချက်ဟိဟိ မီးတိုက်ဖျက်ဆီးမှုကြောင့် ရမ်းဗြဲမြို့၊အမှတ်(၄) ရပ်ကွက်က လူနီအိမ်တချို့မီးလောင် ပျက်စီးခရရေလို့လည်း ထုတ်ပြန်ချက်မာ ဖော်ပြပါရေ။
အယင်ရက်တိကလည်းရမ်းဗြဲမြို့နန့်အနားတဝိုက်နီရာတိ ကို အကြမ်းဖက် စစ်ကောင်စီက ရည်ရွယ်ချက်ဟိဟိ လီ ကြောင်းကနီ ဗုံးကြဲတိုက်ခိုက်မှုတိ၊ လက် နက်ကြီးနန့်ပစ်ခတ်တိုက်ခိုက်မှုတိကြောင့် မြို့ထက်ရပ်ကွက်တိက လူနီအိမ်တိနန့် အဆောက်အအုံတိ မီးလောင်ပျက်စီခရရေလို့ သိဟိရပါရေ။
