APM၊ ဖေဖော်ဝါရီ ၈/၂၀၂၄
ရသေ့တောင်မြို့နယ်၊အနောက်တောင်ပိုင်းဟိစစ်ကောင်စီ ၏ “ကိုးတန်ကောက်နယ်ခြားစောင့်စခန်း” ကို ဖေဖော်ဝါရီ ၈ ရက်နိမိုးထ ၇ နာရီမာ ရက္ခိုင့်တပ်တော် (AA) က ထိုးစစ် ဆင်တိုက်ခိုက်ခရေလို့ သိရပါရေ။
ကိုးတန်ကောက်နယ်ခြားစောင့်စခန်းစွာရက္ခိုင်ဒေသတွင်း ရက္ခိုင့်တပ်တော်စစ်ဆင်ရီး စတင်ဖော်ဆောင်ခရေ ၂၀၂၃ ခုနှစ်၊နိုဗမ်ဘာ (၁၃) / (၁၄)ရက်နိတိက စစ်ကောင်စီ လက် လွှတ်ဆုံးယှုံးခရေ ဒုံးပိုက်နန့်ချိန်ခါလီနယ်ခြားစောင့်တပ် စခန်းတိအနားမာဟိရေ စခန်းတခုလည်း ဖြစ်ပါရေ။
တိုက်ပွဲဖြစ်နီတုန်းမာ စစ်ကောင်စီ၏ ရသေ့တောင်အခြီစိုက် တပ်ရင်းတိက လက်နက်ကြီးတိနန့် အင်တိုက်အား တိုက် ပစ်ကူပီးနီခရေပိုင်၊ လီကြောင်းပစ်ကူတိနန့်လည်းအသည်းအသန် ခုခံကာကွယ်ပီးခရေလို့ သိဟိရပါရေ။
Please follow and like us:
