
APM၊ ဖေဖော်ဝါရီ ၇/ ၂၀၂၄
မာန်အောင်မြို့နယ်မာ ဒေနိမိုးထစောစောက အကြမ်းဖက်စစ်ကောင်စီစွာ လင်ကို ရှာမရလို့ မယားနန့် သားဖြစ်သူရို့ကို လူမဆန်စွာ မတရားဖမ်းဆီးလားကြောင်း သိရပါရေ။
ဒေနိ ဖေဖော်ဝါရီ ၇ရက်နိ၊ မိုးထစောစော ၁ နာရီအချိန်ကမာန်အောင်မြို့နယ်၊ သစ်ပုံရွာနီ အရပ်သား ဦးညီလေးဆိုသူ၏နီအိမ်ကို အကြမ်းဖက်စစ်ကောင်စီတပ်ဖွဲ့ဝင် ၄၀ ခန့်ကအတင်းအဓမ္မ စီးနင်းဝင်ရောက်ပနာ ဦးညီလေး၏ ဇနီး နန့် သားကို သီနပ်ကျည်ထိုး မိန်းမြန်းခကတ်ပါရေ။
ဦးညီလေးခရီးလွန်နီလို့အိမ်မာမဟိရေအတွက် စစ်ကောင်စီ တပ်ဖွဲ့ဝင်တိက လင်ဖြစ်သူကို မရခါ ဦးညီလေး၏ ဇနီး
ဒေါ်ဌေးဝေနန့်သားဖြစ်သူ မောင်မင်းခန့်စိုး ရို့ကို လူမဆန်စွာ အကြမ်းပတမ်း ဖမ်းဆီး ခေါ်ဆောင်လားခပါရေ။
လက်ဟိ ဒေါ်ဌေးဝေနန့် မောင်မင်းခန့်စိုးရို့ကို ရဲစခန်းမာဖမ်းထားပနာအကြမ်းဖက် စစ်ဆီးနီပြီးကေ ဦးညီလေး၏ အိမ်ကိုတော့ အကြမ်းဖက် စစ်ကောင်စီတပ်ဖွဲ့ဝင် ၇၀ ခန့်က ဝိုင်းထားတုန်းလို့ သိရပါရေ။
