APM၊ ဖေဖော်ဝါရီ ၁၅/၂၀၂၄
ဖေဖော်ဝါရီ ၁၄ ရက်နိကလည်း ရသေ့တောင်မာ ရက္ခိုင့်တပ်တော်နန့်အကြမ်းဖက်စစ်ကောင်စီတပ်ရို့ကြားတိုက်ပွဲတိ ဆက်လက်ပြင်းထန်နီပြီး၊အကြမ်း ဖက်စစ်ကောငိစီစွာ ရသေ့တောင်မြို့ဟိ၎င်းရို့တပ်စခန်းတိမကျဖို့ ကြည်း၊ရီ၊လီ ဘက်ပေါင်စုံသုံးပနာ အသည်းအသန် ခုခံကာကွယ်နီခရေလို့ သိရပါရေ။
စစ်ရီးအရ အခြေမလှရေ အကြမ်းဖက် စစ်ကောင်စီစွာ ဖေဖော်ဝါရီ၁၄ရက်နိညဇာ ၇နာရီ ၁၅မိနစ်ကစလို့ ရသေ့တောင်မြို့ပတ်ဝန်းကျင်က ရပ်ရွာတိဖြစ်တေ ပြားချောင်းကြီး၊ ခနောင်းကြီး၊ သောင်းဒရား၊ ရွာသစ်ကေ၊ ကျောက်ဆုံ၊ ဇရပ်လှ၊ နွားတင်းကုတ်၊ လမုန်းတိုင်နန့် လိုင်ဂွင် စရေရပ်ရွာတိကို ဂျက်တိုက်လီယာဉ်တိနန့် တစီးပြီးတစီး မရပ် မနား လာရောက်ပစ်ခတ် တိုက်ခိုက်ခကတ်ပါရေ။
အလားတူ စစ်ကောင်စီစွာ ဘူးသီးတောင်ဖက်ကနီ အတွဲလိုက်ဒုံးတိနန့် အပြင်းအထန် ပစ်ကူပီးခရေပိုင်၊ စစ်တွေ အမြင့်ကျွန်း ပါဒလိတ်ဖက်ကလည်း လက် နက်ကြီးတိနန့် အင်တိုက်အားတိုက်ပစ်ခတ်ခပြီးကေ ၊ စစ်တွေမြို့ပတ်ဝန်း ကျင်ဟိ နေဗီစစ်သင်္ဘောတိကလည်းလက်နက်ကြီးတိနန့် မရပ်မနား ဆက်တိုက် ပစ်ပနာ ရသေ့တောင်မြို့မကျရီးအတွက်အသ ည်းအသန် ခုခံကာကွယ်လျက်ဟိကြောင်းသိရပါရေ။
ယင်းနည်းတူဖေဖော်ဝါရီ ၁၄ရက်နိကရက္ခိုင်ပြည်၊မြို့နယ် တချို့မာ စစ်ကောင်စီ၏ ကြည်း၊ ရီ၊ လီ ခုခံစစ်နန့်ရက္ခိုင့် တပ်တော်၏ထိုးစစ်ရို့ဆက်ဟိနီပြီး၊စစ်ကောင်စီကအရပ် သားပြည်သူတိ နီထိုင်ရာမြို့၊ရွာတိကို တဖက်သတ် ဆက် လက်ပစ်ခတ်တိုက် ခိုက်နီရေလို့လည်း ညီနောင်မဟာမိတ် (၃)ဖွဲ့က ယင်းနိမာ ထုတ်ပြန်ခပါရေ။
