APM၊ ဖေဖော်ဝါရီ ၉/၂၀၂၄
မောင်တောမြို့နယ် မြောက်ပိုင်းဟိ စစ်ကောင်စီ၏ ကြိမ်ချောင်းနယ်ခြားစောင့်စခန်းကို ရက္ခိုင့်တပ်တော်(AA)က ဒေနိ ဖေဖော်ဝါရီ ၉ ရက်နိမာ စတင်ထိုးစစ်ဆင်တိုက်ခိုက်နီကြောင်း သိရပါရေ။
နခခ(၇)လို့လည်းခေါ်ရေ ကြိမ်ချောင်းနယ်ခြားစောင့်စခန်းစွာ နှစ်ရှည်လများအခြီချတပ်စွဲထားပနာ အရပ်သား ပြည်သူတိနီထိုင်ရေ ရပ်ရွာတိကို လက်နက်ကြီးတိနန့် ရက်ပြတ် ပစ်ခတ်တိုက်ခိုက်နီရေ စခန်းတခုဖြစ်တေလို့ ရက္ခိုင့်တပ်တော်က ဆိုပါရေ။
ယင်းအပြင်လက်နက်ချအညံ့မခံရေအတွက်ကြောင့် ကြိမ်ချောင်းနယ်ခြား စောင့်စခန်းကို တိုက်ရစွာလို့ ရက္ခိုင့် တပ်တော်ဖက်က ပြောဆိုထားပြီးကေ၊ လက်နက်ချအညံ့မခံရေ စခန်းတိုင်းကိုလည်း အယင်စခန်းတိနည်းတူ ထိုးစစ်ဆင် တိုက်ခိုက်လားဖိုလို့လည်း ရက္ခိုင့်တပ်တော်က ထုတ်ပြန်ထားဟိပါရေ။
Please follow and like us:
