APM၊ ဖေဖော်ဝါရီ ၁၂/၂၀၂၄
ဖေဖော်ဝါရီ ၁၂ရက်နိ၊ မိုးထစောစော ညည့် ၁ နာရီလောက်မာ မြေပုံမြို့ကအကြမ်းဖက်စစ်ကောင်စီတပ်နန့်ရဲသားတိအားလုံးစွာ နေဗီသင်္ဘောနန့်ထွက်ဗြီးလားခယာလို့ မြေပုံဒေသတိက ပြောပါရေ။
“ဒေနိ မိုးထစောစော ၁ နာရီလောက်မာ တပ်နန့်ရဲတိအားလုံး ဗြီးလားခကတ်ပါယာ။ တယောက်လေ့ မကျန်ပါယာ။ ကြားရစွာကတော့ နေဗီသင်္ဘောနန့် ကျောက်ဖြူဖက်ကို လားရေလို့ သိရပါရေ။ အင်အားက ၁၀၀ လောက်ဟိပါဖို့” မြေပုံဒေသခံတယောက်က ပြောပါရေ။
နောက်ထပ်သိရရေသတင်းတိအရ ယင်းထွက်ဗြီးလားရေ မြေပုံက စစ်ကောင်စီတိကို ကျောက်ဖြူကနီ သံတွဲဖက်သို့ နေဗီနန့်ဆက်ယူလားရေလို့ ဆိုပါရေ။
လက်ဟိ ကျောက်ဖြူမာလည်း ဒေနိ ဖေဖော်ဝါရီ ၁၂ ရက်နိ မိုးထဖက်ကစ့ ရက္ခိုင့်တပ်တော်နန့် စစ်ကောင်စီတပ်ရို့အကြား တိုက်ပွဲတိ ပြင်းပြင်းထန်ထန်ဖြစ်နီရေလို့ သိရပါရေ။
Please follow and like us:
