APM၊ ဂျန်နဝါရီ ၂၂/၂၀၂၄
စစ်ကောင်စီစွာ ဂျန်နဝါရီ ၁၁ ရက်နိမာ အပစ်အခတ်ရပ်စဲရီးလက်မှတ်ထိုးခပြီးနောက် ဒေနိအထိအပစ်အခတ်ရပ်စဲ ရီးလက်မှတ်ကို အကြိမ်ကြိမ်ချိုးဖောက်နီရေလို့ တအာင်းတပ်မတော်(TNLA)က ဒေနိ ဂျန်နဝါရီ ၂၂ ရက်နိမာ ထုတ် ပြန် ကြေညာလိုက်ပါရေ။
TNLA ၏ ထုတ်ပြန်ချက်မာ “ဂျနဝါလရီလ ၁၁ ရက်နိတွင် အပစ်ခတ်ရပ်စဲရီးလက်မှတ် ထိုးခပြီးနောက်၊ဒေနိဂျန်နဝါ ရီလ၂၂ရက်နိထိ စစ်ကောင်စီတပ်က မိုးမိတ်၊ကျောက်မဲ၊ မိုးကုတ်၊နမ့်ခမ်း၊လားသျှိုးမြို့နယ်သို့ ထိုးစစ်ဆင် တိုက် ခိုက်လာခြင်း၊ လက်နက်ကြီး နန့် လီကြောင်း တိုက်ခိုက်မှု ပြု လုပ်လျက်ဟိသည်။ စစ်ကောင်စီ၏ လုပ်ရပ်သည် အပစ် အခတ်ရပ်စဲရီးလက်မှတ်ကို အကြိမ်ကြိမ် ချိုးဖောက်ခြင်းဖြစ်သည်” လို့ ဖော်ပြထားပါရေ။
ဂျန်နဝါရီ ၂၁ ရက်နိ၊ ညည့် ၈ နာရီလောက်ကလည်း စစ်ကောင်စီတပ်စွာ တအာင်းတပ်မတော် (TNLA)ဟိရေ မိုးကုတ်နန့် မိုးမိတ်ကြား(၈)မိုင်သို့ လာရောက် ထိုးစစ်ဆင်တိုက်ခိုက်ခကြောင်း၊ တိုက်ပွဲအတွင်း စစ်ကောင်စီတပ်၏ လက်နက် (၃)လက်ကို သိမ်းဆည်းရမိကြောင်း ထုတ်ပြန်ချက်မာ ဖော်ပြပါရေ။
အလားတူ ဂျန်နဝါရီ ၁၃ ရက်နိကလည်း ကျောက်မဲမြို့မာ စစ်ကောင်စီတပ် ၅၀၁-၅၀၂ တပ်စခန်းက အင်အားအလုံး အရင်းနန့် တအာင်းတပ်မတော်(PSLF/TNLA)တည်ဟိရေ ငြိမ်းချမ်းရီးကုန်းသို့ လာရောက်ထိုးစစ်ဆင်တိုက်ခိုက်ခပါ သိမ့်ရေ။
PSLF/TNLAအနီနန့် မိဖပြည်သူတိ စစ်ဖီးသင့်ပြီး ဆုံးယှုံးမှုများလတ်မေစိုးရိမ်လို့ ၎င်းရို့အခြီချတပ်စွဲထားရေ ငြိမ်း
ချမ်းရီးကုန်းကို ယာယီနောက်ဆုတ်ပီးခရရေလို့လည်း TNLA၏ ထုတ်ပြန်ကြေညာချက်မာ ဖော်ပြထားပါရေ။
