APM၊ ဂျန်နဝါရီ ၂၂/၂၀၂၄
ကျောက်တော်အခြီစိုက် အကြမ်းဖက် စစ်ကောင်စီတပ် အမှတ်(၉) စစ်ဆင်ရီးကွပ်ကဲမှုဌာနချုပ် (စကခ-၉)၊ နည်း ဗျူဟာ(၃)မှဗျူဟာမှူးဖြစ်သူဒုတိယဗိုလ်မှူးကြီးညီညီဝင်း ကို ဒဏ်ရာတိနန့် ဖမ်းရထားကြောင်း ရက္ခိုင့်တပ်တော်က ဂျန်နဝါရီ ၂၁ ရက်နိ၊ ညဇာပိုင်းမာ ဓာတ်ပုံနန့်တကွ ထုတ်ပြန်လိုက်ပါရေ။
ယင်းသတင်းဓာတ်ပုံထဲမာ အကြမ်းဖက် စစ်ကောင်စီ ၏ ဗျူဟာမှူး ညီညီဝင်းစွာ ဒဏ်ရာတိ ရဟိထားပြီးကေ ဆီးကုသမှု ခံယူနီရကြောင်း ဖော်ပြထားပါရေ။
ရက္ခိုင့်တပ်တော်စွာ ဂျန်နဝါရီ ၁၄ ရက်နိမာကျောက်တော် အခြီစိုက်အကြမ်းဖက် စစ်ကောင်စီတပ် အမတ(၃၇၇) နန့် ဂျန်နဝါရီ ၁၆ ရက်မာ ကျောက်တော်အခြီစိုက်ခမရ(၅၃၉) ရို့ကို အပြီးသတ်သိမ်းပိုက်ခစဉ်က သိမ်းဆည်း ရမိခရေ လက်နက်ခဲယမ်းတိနန့် စစ်အသုံးအဆောင်ပစ္စည်းတိ ကို ဂျန်နဝါရီ ၂၁ ရက်နိညည့်ရက္ခိုင့်တပ်တော်(AA) က ထုတ်ပြန်ခါ ယင်းစစ်ကောင်စီဗျူဟာမှူး ညီညီဝင်း၏ ဓာတ်ပုံလည်း ကြားညပ်ပါလာစွာ ဖြစ်ပါရေ။
