APM၊ ဖေဖော်ဝါရီ ၉/၂၀၂၄
ကျောက်ဖြူမြို့နယ်၊ ဂုံးချွိန်တိုက်နယ်က အရပ်သားပြည်သူ ၄ ယောက်ကိုဖေဖော်ဝါရီ ၈ ရက်နိ ညဇာမာ အကြမ်း ဖက်စစ်ကောင်စီ ဖမ်းဆီးလားကြောင်း သိရပါရေ။
ဖမ်းဆီးခံရရေလူတိကတော့ ကျောက်ဖြူမြို့နယ်၊ ဂုံးချွိန်တိုက်နယ် ဂုံးချွိန်ရွာက ဦးငမဲ (၅၅နှစ်)၊ ဦးညီပုစေ့ကေ (၄၅နှစ်)၊ ကိုကျော်နိုင်ဖြိုး(၂၄နှစ်)နန့် လိပ်ခမော်(ရွာသစ်) က ဦးမောင်ခင်နု ( ၇၀နှစ်) ရို့ ဖြစ်ကတ်ပါရေ။
ကျောက်ဖြူမြို့နယ် ဂုံးချွိန်တိုက်နယ်၊ ဂုံးချွိန်ရွာ (အထက) စာသင်ကျောင်းမာ စခန်းချ တပ်စွဲနီရေ စစ်ကောင်စီတပ်နန့် ရဲ ပူးပေါင်းအင်အား ၂၀ ကျော်က ဖေဖော်ဝါရီ ၈ ရက်နိ၊ ညဇာ ၃ နာရီ ၃၀ မိနစ်အချိန်မာ လက်နက်အပြည့်အစုံနန့် ဂုံးချွိန်ရွာ အတွင်းကင်းလှည့်ရာက ဂုံးချွိန်ရွာ စေပုတ်ကေထောင့် ဒေါ်မခင်နု၏ စားသောက်ဆိုင်ထဲဟိ ဦးမောင်ခင်နုအပါအဝင် ယင်းဒေသခံ ၄ ယောက်ကို အကြောင်းပြ ချက်တစုံတရာမဟိဘဲ အတင်းအဓမ္မ ဖမ်းဆီးပနာ ၎င်းရို့စခန်းချထားရေ စာသင်ကျောင်းသို့ ခေါ်ဆောင်လားခရေလို့ ဒေသခံတိက ပြောပါရေ။
ယင်းနောက် ယင်းနိ ညဇာ ၄ နာရီအချိန် ကျောက် ဖြူမြို့ကလာရေ စစ်ကောင်စီရဲကား ၁ စီးနန့် ယင်း ၄ ယောက်ကို ကျောက်ဖြူမြို့သို့ ခေါ်ဆောင်လားခရေလို့ သိရပါရေ။
