APM၊ ဖေဖော်ဝါရီ ၁/၂၀၂၄
စစ်အင်အား၊ လက်နက်ခဲယမ်း ထပ်မံဖြည့်တင်းထားရေ အကြမ်းဖက် စစ်ကောင် စီတပ်နန့် ရက္ခိုင်တပ်တော်ရိုးစွာ ဂျန်နဝါရီ ၃၁ ရက်နိမာလည်း ရမ်းဗြဲမြို့နန့် မြို့နားတဝိုက် တိုက်ပွဲတိ ဆက်ဖြစ်နီခရေလို့ ညီနောင်မဟာမိတ်(၃)ဖွဲ့က သတင်းထုတ်ပြန်ပါရေ။
ညီနောင်(၃)ဖွဲ့၏ဂျန်နဝါရီ ၃၁ရက်နိထုတ်ပြန်ချက်အတွင်း”စစ်အင်အား၊ လက် နက်ခဲယမ်း ထပ်မံ ဖြည့်တင်းထားသော ရမ်းဗြဲမြို့အနားဟိ စစ်ကောင်စီတပ်နန့် ရက္ခိုင့်တပ် တော်ရို့သည် ရမ်းဗြဲမြို့ နန့် ရမ်းဗြဲမြို့ပတ်ဝန်းကျင်များ၌ တိုက်ပွဲများ ဆက်လက်ဖြစ်ပွားခသည်”လို့ ဖော် ပြထားပါရေ။
ဂျန်နဝါရီ ၃၀ ရက်နိ တိုက်ပွဲအတွင်းကလည်း စစ်ကူလာရေစစ်ကောင်စီတပ်ဖွဲ့ဝင်တိကို ရက္ခိုင့်တပ်တော်က အထိ နာအောင် တိုက်ခိုက်နိုင်ခရေအတွက် စစ်ကောင်စီတပ်၏ အလောင်းတိနန့် လက် နက်ခဲယမ်းအချို့ကို ရက္ခိုင့်တပ်တော် သိမ်းဆည်း ရမိခပါသိမ့်ရေ။အထိနာပြီးဖရိုဖရဲဖြစ်နီရေ စစ်ကောင်စီ၏ အဆိုပါ စစ်ကူလာရေစစ်ကြောင်းကို ရက္ခိုင့်တပ်တော်က လိုက်လံခြီမှုန်းတိုက်ခိုက်လျက်ဟိရေ လို့လည်း သိရပါရေ။
ဂျန်နဝါရီ ၃၁ ရက်နိက ရမ်းဗြဲမြို့ပတ် ဝန်းကျင်တို က်ပွဲတိမာလည်းထပ်မံအထိနာ လားခရေ စစ်ကော င်စီတပ်ဖွဲ့ဝင်တိစွာ ရမ်းဗြဲမြို့ကို ပြိုပျက်လားစီဖို့ ရည်ရွယ်ချက်နန့် လက်နက်ကြီး၊ လီကြောင်းပစ် ခတ်တိုက်ခိုက်မှုတိကိုရာ အဓိက ဦးတည် ပြုလုပ်နီခပါရေ။
ယင်းနိက ရမ်းဗြဲ၊ တန်းချောင်းဝနန့် တိန်ချောင်းရီလက် ကြားမာ တန့်ထားရေ စစ်ကောင်စီ နေဗီသင်္ဘောစွာ မိုးထ ၁၀နာရီလောက်ကစလို့ ရမ်းဗြဲမြို့ကို လက်နက် ကြီးတိနန့် (၇)ကြိမ်၊ လက်နက်ချေတိနန့် (၁) ကြိမ်ထက်မနည်း ပစ် ခတ်တိုက်ခိုက်ခရေလို့လည်း ညီနောင်မဟာမိတ်(၃)ဖွဲ့ ၏ ထုတ်ပြန်ချက်မာ ဖော်ပြထားပါရေ။
