APM၊ ဂျန်နဝါရီ ၁၈/၂၀၂၄
ဘူးသီးတောင်မြို့ထက်မာ ဂျန်နဝါရီ ၁၇ ရက်နိ၊ ညည့်ခါ အကြမ်းဖက် စစ်ကောင်စီတပ်ဖွဲ့ဝင်တိက ယမ်းကား ပစ် ခတ်လို့ မြို့ခံလူငယ်တယောက်မာ ထိခိုက်ဒဏ်ရာ ရလားခကြောင်း သိရပါရေ။
ဒဏ်ရာ ရလားရရေလူစွာ ဘူးသီးတောင်မြို့၊ အမှတ်(၅) ရပ်ကွက်၊ ရွာသစ်က ကိုလင်းလင်း (၂၈နှစ်) ဖြစ်ပါရေ။
ဂျန်နဝါရီ ၁၇ ရက်နိ၊ ညည့် ၉ နာရီ ၁၀ မိနစ်မာ ဘူးသီးတောင် အခြီစိုက် အကြမ်းဖက် စစ်ကောင်စီတပ် တပ်မ (၂၂)လက်အောက်ခံတပ်ဖွဲ့ဝင်တိထဲက အလိုတော်ပြည့် ဘုန်းကြီးကျောင်းနောက်ဖက်ငါးကန်မာ ကင်းပုန်းဝပ်နီရေ စစ်ကောင်စီတပ်ဖွဲ့ဝင်တိ၏ ယမ်းကား ပစ်ခတ်မှုကြောင့် မိမိနီအိမ်အတွင်းဟိနီရေ ကိုလင်းလင်းကို ထိမှန်ပြီး ပေါင်နန့်ခြီသလုံးတိမာ ထိခိုက်ဒဏ်ရာတိ ရလားကြောင်း မြို့ခံတိက ဆိုပါရေ။
Please follow and like us:
