APM၊ ဖေဖော်ဝါရီ ၁/၂၀၂၄
ကျောက်ဖြူမြို့နယ်၊ မလကျွန်း၊ ပြင်ရှည်ရွာသစ်အနားကရီမျက်မာ ဒေနိ ဖေဖော်ဝါရီ ၁ ရက်နိအ တွင်း ရက္ခိုင့်တပ် တော်နန့်အကြမ်းဖက်စစ်ကောင်စီတပ်ရို့ကြား တိုက်ပွဲဖြစ် ပွားခပြီးကေ၊ ယင်းတိုက်ပွဲအတွင်းမာ ရန်သူဖက်က အထိ အခိုက်အကျအဆုံးတချို့ဟိခရေလို့ ညီနောင်မဟာမိတ် (၃)ဖွဲ့က ထုတ်ပြန်ပါရေ။
ထုတ်ပြန်ချက်ထဲမာ “ရက္ခိုင်ပြည်၊ ကျောက်ဖြူမြို့ နယ်၊ မလကျွန်း၊ပြင်ရှည်ရွာသစ်နားဟိ ရီမျက်တွင် စစ်ကောင် စီ၏အင်အား(၃၀)ခန့်ဟိသော စစ်ကြော င်းတခုနန့် ရက္ခိုင့်တပ်တော်ရို့ကြား ရုတ်တရက်နှစ်ဖက်ရင်ဆိုင်တိုက်ပွဲဖြစ် ပွားခကြောင်း၊တိုက်ပွဲအ တွင်း ရန်သူ စစ်ကောင်စီဖက်က အထိအခိုက် အကျ အဆုံးတချို့ဟိခပြီး အသေးစိတ်ကိုတော့ မသိရသိမ့်ကြောင်း” ပါဟိပါရေ။
တိုက်ပွဲဖြစ်နီစဉ်အတွင်း စစ်ကောင်စီ၏ ကျောက် ဖြူ၊ ဒိုးတန်းတောင်ဟိ“အမှတ်(၃၂)ရဲတပ်ရင်း”က လက်နက်ကြီး တိနန့် ပစ်ကူပီး တိုက်ခိုက်ခရေလို့ ဒေသခံတိက ပြောပါရေ။
ယင်းအပြင်ကျောက်ဖြူမြို့နယ်ဟိ စစ်ကောင်စီ၏ ဓညဝတီရီတပ်ဌာနချုပ်ကလည်း နိခင်း၂ နာရီလော က်မာ တိုက် ပွဲနန့်မဆိုင်ရေ အရပ်သားပြည်သူတိနီထိုင်ရာ ကျေးရွာတိကို လက်နက်ကြီးတိနန့် အကြမ်း ဖက် ပစ်ခတ်တိုက်ခိုက်ခပါသိမ့်ရေ။
ယင်းလက်နက်ကြီးကျည်တိထဲက ၂ လုံးစွာ ဂုံးချွိန်တိုက်နယ်၊အူချေရွာတွင်းသို့ကျရောက်ပေါက်ကွဲပြီးကေ ရွာခံ ၁ ယောက် အပါအဝင်ဒေသခံပြည်သူ ၅ ယောက်လက်နက် ကြီးထိမှန်လားခရေလို့ ညီနောင်သုံးဖော်က ဆိုပါရေ။
အလားတူ ဒေနိခါ မင်းပြား၊ ကျောက်တော်၊ မြောက်ဦး၊ ရသေ့တောင်၊ရမ်းဗြဲနန့်ဘူးသီးတောင်မြို့နယ်ရို့မာလည်း အကြမ်းဖက် စစ်ကောင်စီတပ်နန့်ရက္ခိုင့်တပ်တော်ရို့ကြား တိုက်ပွဲတိ ဆက်လက် ဖြစ်ပွားခရေလို့ သိဟိရပါရေ။
