APM၊ ဖေဖော်ဝါရီ ၉/၂၀၂၄
ဒေနိ၊ ဖေဖော်ဝါရီ ၉ ရက်နိ၊ မိုးထ ၁၁ နာရီ ၄၅ မိနစ်မာ ရသေ့တောင်မြို့နယ်၊ အနောက်တောင်ပိုင်းဟိ စစ်ကောင် စီ၏“ကိုးတန်ကောက်နယ်ခြားစောင့်စခန်း”ကို ရက္ခိုင့်တပ်တော်က အပြီးသတ်သိမ်းပိုက်လိုက်ကြောင်း သိရပါရေ။
ရက္ခိုင့်တပ်တော်စွာ”ကိုးတန်ကောက်နယ်ခြားစောင့်စခန်း” ကို ညက ဖေဖော်ဝါရီ ၈ ရက်နိ၊ မိုးထ ၇ နာရီကစလို့တိုက် ခိုက်နီခပြီးကေ ဒေနိ (ဒုတိယ နိ)မာ အပြီးသတ် သိမ်းပိုက်နိုင်ခစွာ ဖြစ်ပါရေ။
ကိုးတန်ကောက်နယ်ခြားစောင့်စခန်းစွာ ရက္ခိုင်ဒေသတွင်း ရက္ခိုင့်တပ်တော်စစ်ဆင်ရီး စတင်ဖော်ဆောင်ခရေ ၂၀၂၃ ခုနှစ်၊ နိုဗမ်ဘာ (၁၃) / (၁၄)ရက်နိတိက စစ်ကောင်စီ လက်လွှတ်ဆုံးယှုံးခရေ ဒုံးပိုက် နန့် ချိန်ခါလီ နယ်ခြားစောင့်တပ် စခန်းတိအနားမာဟိရေ စခန်းတခုလည်း ဖြစ်ပါရေ။
တိုက်ပွဲဖြစ်နီတုန်းမာ စစ်ကောင်စီ၏ ရသေ့တောင်အခြီစိုက်တပ်ရင်းတိက လက်နက်ကြီးတိနန့် အင်တိုက်အားတိုက် ပစ်ကူပီးနီခရေပိုင်၊ လီကြောင်းပစ်ကူတိနန့်လည်းအသည်းအသန် ခုခံကာကွယ်ပီးခရေလို့လည်း သိဟိရပါရေ။
