
APM ၊ ဖေဖော်ဝါရီလ ၂၄ / ၂၀၂၄
သတင်းသမား ကိုမြတ်သူထွန်း(ခ)ဖိုးသီဟကို စစ်ကောင် စီဖမ်းဆီးသတ်ဖြတ်၊အလောင်းဖျောက်ပစ်တေလုပ်ရပ် နန့်ပတ်သက်လို့ လွတ်လပ်သော မြန်မာသတင်းစာဆရာများအစည်းအရုံး(Independent Myanmar Journalists Association–IMJA)က ပြင်းပြင်းထန်ထန်ကန့်ကွက်ရှုံ့ချကြောင်း ဒေနိ (ဖေ ဖော်ဝါရီ ၂၄ရက်နိ)မာ ကြေညာချက်ထုတ်ပြန်လိုက်ပါရေ။
သတင်းသမား ကိုမြတ်သူထွန်း(ခ)ဖိုးသီဟကို စစ်ကောင် စီတပ်က၂၀၂၂ ခုနှစ်၊ စပ်တမ်ဘာ ၂၀ ရက်နိက မြောက်ဦးမြို့ဟိ၎င်း၏ နီအိမ်က ဖမ်းယူလားပြီးကေ ပုဒ်မ ၅၀၅ (က)နန့် တရားစွဲပနာ မြောက်ဦးအခြီစိုက် ခမရ(၃၇၈)တပ် ရင်းအချုပ်ထဲချုပ်နှောင်ထားချိန် ၂၀၂၄ ခုနှစ်၊ ဂျန်နဝါရီ ၃၁ ရက်နိမာ ကိုမြတ်သူထွန်းနန့်တတူ နောက်ထပ်အချုပ်သား ၆ ယောက်ကိုပါ အကြမ်းဖက် စစ်ကောင်စီတပ်က ရက်ရက်စက်စက် ပစ်ခတ်သတ်ဖြတ်ပြီး အလောင်းကိုပါဖျောက်ဖျက်ခရေလို့ IMJA ၏ ထုတ်ပြန်ချက်မာ ဖော်ပြပါရေ။
ယင်းပိုင် သတင်းသမားတိကို ပစ်မှတ်ထား ဖမ်းဆီးသတ် ဖြတ်မှုအပေါ် IMJA အနီနန့် ပြင်းပြင်းထန်ထန် ကန့်ကွက် ရှုံ့ချလိုက်ပြီး၊ သတင်းမီဒီယာသမားတိအပေါ် ကျူးလွန်ထားစွာတိကို ပြစ်မှုတခုအဖြစ် မှတ်တမ်းတင်ထားရေလို့ ယင်းထုတ်ပြန်ချက်မာ ဖော်ပြပါရေ။
ယင်းပြင် စစ်ကောင်စီအနီနန့် သတင်းသမားတိကို သတ်ဖြတ်မှုတိ၊ ပစ်မှတ်ထားဖမ်းဆီးမှုတိကို ချက် ချင်း ရပ်တန့်ပြီးကေ ဖမ်းဆီးထားရေ တင်းသမားတိ အားလုံးကို ချွင်းချက်မဟိ အယင်ဆုံး ပြန်လွှတ်ပီးဖို့ကိုလည်း တောင်းဆိုထားပါရေ။
နယ်စည်းမခြားသတင်းထောက်များအဖွဲ့(RSF) ကလည်း သတင်းသမားမြတ်သူထွန်း သတ်ဖြတ်ခံရမှုကို စုံစမ်းစစ်ဆီးရီး၊ ဖမ်းထားရေ သတင်းသမားတိ အယင်ဆုံး လွတ်မြောက်ရီးအတွက် ဝိုင်းဝန်းဖိအားပီးကတ်ဖို့ နိုင်ငံတကာအသိုင်းအဝိုင်းကို၂၀၂၄ခုနှစ်၊ဖေဖော်ဝါရီ ၂၃ ရက်နိမာ တောင်းဆိုခပါရေ။
အလားတူ သတင်းသမား ကိုမြတ်သူထွန်းကို စစ်ကောင်စီက သတ်ဖြတ်မြီမြှုပ် အလောင်းဖျောက်မှု
နန့်ပတ်သက်လို့ UNESCO ကလည်း ပြင်းထန်စွာ ကန့်ကွက်ရှုံ့ချပြီး တရားမျှတမှုရဟိဖို့၊ ကျူးလွန်ရေလူတိကို အရေးယူပီးဖို့ ၂၀၂၄ ခုနှစ်၊ ဖေဖော်ဝါရီ ၂၂ ရက်နိမာ တောင်းဆိုခပါရေ။
ယင်းအပြင် သတင်းထောက်များကာကွယ်စောင့်ယှောက်ရီးကော်မတီ (CPJ) ကလည်းကိုမြတ်သူထွန်းအသတ်ခံရမှု နန့်ပတ်သက်လို့ ကျူးလွန်ရေလူတိကို စုံစမ်းဖော်ထုတ်ပီးဖို့ ၂၀၂၄ ခုနှစ်၊ ဖေဖော် ဝါရီ ၁၆ ရက်နိမာ တောင်းဆိုထားပါရေ။
မြန်မာပြည်အတွင်းမာ စစ်ကောင်စီက အာဏာသိ မ်းခရေ၂၀၂၁ ခုနှစ်၊ဖေဖော်ဝါရီ ၁ ရက်နိကပင် ၂၀၂၄ခုနှစ်၊ ဖေဖော်ဝါရီ၂၄ ရက်နိထိ သတင်းသ မား ၅ ယောက်ကို သတ်ဖြတ်ခပြီးကေ ၁၇၆ ယော က်ကို ဖမ်းဆီးထားရေလို့ သိရပါရေ။
