APM၊ ဂျန်နဝါရီ ၂၈/၂၀၂၄
ကရင်ပြည်၊ ကော့ကရိတ်ခရိုင်မာ တပ်စွဲထားရေ အကြမ်း ဖက်စစ်ကောင်စီတပ်စွာ ဂျန်နဝါရီ ၂၇ရက်နိကအလက(၂) တောင်ပေါ်ရပ် စာသင်ကျောင်းနန့်လူနီအိမ်တိကို မီးတိုက်ဖျက်ဆီးခကြောင်း ကျားဖြူစစ်ကြောင်း(Albino Tiger Column) က သတင်းထုတ်ပြန်ပါရေ။
ထုတ်ပြန်ချက်ထဲမာ “၂၀၂၄၊.ဂျန်နဝါရီ ၂၇ ရက်နိတွင် အလက (၂) တောင်ပေါ်ရပ်ကျောင်း၌ တပ်စွဲထားသော အကြမ်း ဖက်စစ်ကောင်စီများအား တော်လှန်ရီးတပ်ဖွဲ့ဝင်များမှ နယ်မြီယှင်းလင်းရာ နှစ်ဖက် တိုက်ပွဲဖြစ်ပွားခပါသည်။ အကြမ်းဖက် စစ်ကောင်စီဖက်မှ အကျအဆုံးများသောကြောင့် အလက(၂) တောင်ပေါ်ရပ်ကျောင်း၊ နီအိမ်များကိုမီးတိုက်၍ ပြန်လည်ဆုတ်ခွာလားပါသည်”လို့ ဖော် ပြထားပါရေ။
ယင်းအပြင် အကြမ်းဖက် စစ်ကောင်စီစွာ ပြည်သူရို့ကိုလူသားဒိုင်းကာပြုလုပ်ပျာ ပြည်သူရို့၏ နီအိမ်တိကို မီး တိုက်ပြီးကေ သတ်ကွင်းအဖြစ်ပြုလုပ်ပနာ ကော့ကရိတ် မြို့ကို အလုံးစုံပျက်စီးစီဖို့ ရည်ရွယ်ချက်ဟိဟိ ဖျက်ဆီးနီရေလို့ ဆိုပါရေ။
ယင်းကြောင့် မိဖပြည်သူရို့အနီနန့် ဇာပိုင်သတင်းမျိုးကို ကြားရပါစီ တော်လှန်ရီးအဖွဲ့တိကို မိန်းမြန်းစုံစမ်းခြင်းမဟိဘဲ မြို့အတွင်းသို့ ပြန်မလာကတ်ဖို့ နန့် လုံခြုံဖီးကင်း ရေ နီရာတိမာ နီထိုင်ကတ်ဖို့ Albino Tiger Column ၏ ထုတ်ပြန်ချက်မာ တိုက်တွန်း ဖော်ပြထားပါရေ။
Movie file- Albino Tiger Column
