APM ၊ ဖေဖော်ဝါရီ ၁၅/၂၀၂၄
ရက္ခိုင့်တပ်တော်အနီနန့် ဇာနီရာဇာဒေသကိုရောက်ရောက်လူမျိုး၊ ဘာသာမခွဲခြားဘဲ ပြည်သူရို့နန့်တတူရပ်တည် ပြီးကေ စာနာစိတ်၊ စေတနာအပြည့်နန့် ဆောင်ရွက်လျက်ဟိကြောင်း ဒေနိ ဖေဖော်ဝါရီ ၁၅ ရက်နိမာထုတ်ပြန် လိုက်ပါရေ။
ရက္ခိုင့်တပ်တော်၏ အဆိုပါထုတ်ပြန်ချက်ထဲမာ” မိမိရို့အနီဖြင့် ဇာနီရာ၊ ဇာဒေသသိုပင်ရောက်ရောက် လူမျိုးမရွီး၊ ဘာသာမရွီး ခွဲခြားစိတ်မဟိဘဲ ပြည်သူရိုနန့်တတူ ရပ်တည်ပြီး စာနာစိတ်အပြည့်နန့် တတ်နိုင်သည်များကို စေ တနာအပြည့်ထား၍ ဆောင်ရွက်လျက်ဟိပါသည်”လို့ဖော် ပြထားပါရေ။
ယင်းနောက် ၂၀၂၄ ခုနှစ်၊ ဖေဖော်ဝါရီလဆန်းပိုင်းကစလို့ ပြည်သူ့အကျိုးပြုလုပ်ငန်း၊ မြိုရွာသန့်ယှင်းရီးလုပ်ငန်းတိ ကို ရက္ခိုင့်တပ်တော်(AA) တပ်ဖွဲ့ဝင်တိ လှုပ်ယှားရာ သျှမ်းမြောက်ဒေသ၊ မူဆယ် ၁၀၅ မိုင်၊ ကားလမ်းမကြီး ဘေးနန့် ကားကြီးကွင်းအနား ကားလမ်းဝဲယာတလျှောက် ဆောင်ရွက်ခကတ်တေလို့ ရက္ခိုင့်တပ်တော်က ဆိုပါ ရေ။
ယင်းအပြင် သျှမ်းမြောက်ဒေသအတွင်း စစ်ဖီးကြောင့် အတိဒုက္ခရောက်နီကတ်တေ ပြည်သူလူထုရို့ အပါအဝင် ဗုဒ္ဓဘာသာဘုန်းတော်ကြီးကျောင်းတိ၊ သီလသျှင်ကျောင်း တိနန့်ခရစ်ယာန် သာသနာပြုကျောင်းတိကို မိမိရို့ တတ် နိုင်သမျှ တနိုင်တပိုင် ထောက်ပံ့ကူညီလှူဒါန်းမှုတိ ပြုလုပ်ခရေပိုင် စစ်ဒဏ်ကြောင့် ပျက်စီးယိုယွင်းခရရေ အများပြည်သူနန့် သက်ဆိုင်ရေ နီရာတိ၊ အဆောက်အအုံတိ သန့်ယှင်းရီးကိစ္စရပ်တိမာလည်း မိမိရို့စွာ တဖွဲ့ချင်း ဖြစ်စီ၊ညီနောင်မဟာမိတ်ရိုနန့်ဖြစ်စီအတူတကွ ဆောင်ရွက်လျက်ဟိရေလိုလည်း ရက္ခိုင့်တပ်တော်က ပြောပါရေ။
ရက္ခိုင့်တပ်တော်အနီနန့် မိမိရို့ရောက်ဟိရာ ဒေသတိမာဒေသခံပြည်သူလူထု၏ အရေးအရာတိကို အဆင်ပြေ ချောမွိအောင် ဒေသခံပြည်သူလူထုတိနန့်တတူ လက်တွဲပြီး အကောင်းဆုံး ဆောင်ရွက်လျက်ဟိပါကြောင်းလည်း ထုတ်ပြန်ချက်ထဲမာ ဖော်ပြထားပါရေ။
