APM၊ ဂျန်နဝါရီ ၁/၂၀၂၄
ရသေ့တောင်မြို့မာ ဒေနိ ဂျန်နဝါရီ ၁ ရက်နိ ညဇာ ၃ နာရီလောက်က နယ်ချဲ့အကြမ်းဖက် စစ်ကောင်စီတပ် ခမရ (၅၃၈)တပ်ရင်းက ထောင်ထားရေမိုင်းကို နင်းမိလို့ အပြစ်မဲ့ ဒေသခံပြည်သူတယောက် ခြီတဖက်ပြတ်ထွက်လားရေလို့ ဒေသခံတိက ပြောပါရေ။
ခြီထောက်တဖက်ပြတ်ထွက်လားလူစွာ ရသေ့တောင်မြို့၊ အရှိမြောက်ရပ်ကွက်က ဦးကိုလှ (၅၇နှစ်)လို့ ဆိုပါရေ။
ဦးကိုလှစွာ ဒေနိ ညဇာ ၃ နာရီအချိန်လောက်က ကျောက်ပြင်ဆိပ် ဘုန်းကြီးကျောင်းနားမာ နွားကျောင်းနီခါ ခမရ (၅၃၈)တပ်ရင်းက ထောင်ထားရေ မိုင်းကို နင်းမိလို့ မိုင်း ပေါက်ကွဲပြီးကေ ဦးကိုလှ၏ ဘယ်ဖက်ခြီထောက်ဒူးဆစ်နားကပြတ်ထွက်လားစွာဖြစ်တေလို့ ဒေသခံတိက အခိုင် အမာ ပြောဆိုကတ်ပါရေ။
လက်ဟိ ဦးကိုလှကို ရသေ့တောင်မြို့ ပြည်သူ့ ဆီးရုံသို့ အရေးပေါ်ပို့ဆောင်ထားပနာ ဆီးကုသမှု ခံယူနီရရေလို့ သတင်းရဟိပါရေ။
Please follow and like us:
