APM၊ ဖေဖော်ဝါရီ ၁/၂၀၂၄
မြောက်ဦးအခြီစိုက် အကြမ်းဖက် စစ်ကောင်စီတပ် ခမရ (၅၄၀)တပ်ရင်း တခုလုံးကို ရက္ခိုင့်တပ်တော်က၂၀၂၄ ခုနှစ်၊ ဂျန်နဝါရီ ၃၀ရက်နိ၊ ညည့် ၁၁နာရီ ၄၅ မိနစ်အချိန် အပြီးသတ်သိမ်းပိုက် လိုက်ပြီးဖြစ် ကြောင်း ဂျန်နဝါရီ ၃၁ ရက်နိ၊ညည့်သိုင်ခေါင်မာ ရက္ခိုင့်တပ်တော်(AA) က ထုတ်ပြန်ပါရေ။
မြောက်ဦးအခြီစိုက် ခမရ(၅၄၀)၊ခမရ(၃၇၇)၊ခမရ (၃၇၈) တပ်ရင်းတိစွာ ကမ္ဘာ့အမွီအနှစ်၊ ရက္ခိုင့် အမွီအနှစ်တိကို နှစ်ရှည်လများ ခိုးယူလုယက်ဖျက်ဆီးနီခရေ၊ လက်နက် ကြီးတိနန့်ရည်ရွယ်ချက်ဟိဟိ ပစ် ခတ် တိုက်ခိုက်နီခရေ၊ မြောက်ဦးမြို့ကို မီးလောင် ပြာကျအောင် ကြံစည် ကြိုး စားနီခရေ အကြမ်းဖက်စစ်ကောင်စီ၏ တပ်ရင်းတိဖြစ်တေလို့ ရက္ခိုင့်တပ်တော်က ပြောပါရေ။
ကျန်နီရေ မြောက်ဦးအခြီစိုက် တပ်ရင်း နှစ်ရင်းဖြစ်တေ ခမရ(၃၇၇)၊ ခမရ(၃၇၈) ရို့ကိုလည်း ခမရ (၅၄၀)နန့်တတူ တပြိုင် နက်တည်း ထိုးစစ်ဆင် တို က်ခိုက်နီရေလို့ ရက္ခိုင့်တပ်တော်က ဆိုပါရေ။
ယင်းအပြင် ရက္ခိုင့်တပ်တော်အနီနန့် မိမိရို့ပြည် သူလူထုကို နှစ်ရှည်လများ ဒုက္ခပီးနီရေ စစ်စခန်းတိ၊ ဗျူဟာကုန်းတိ၊ တပ်မဌာနချုပ်စခန်းတိ၊ လက် နက်ကြီး တပ်စခန်းတိ၊ ရဲတပ်ရင်းတိအပြင် လက်စားချီတုံ့ပြန်ဖို့ ကျန်နီသိမ့်ရေ တပ်ရင်းတိကို တစခန်းမကျန် ဗျူဟာမြောက်စွာ လိုက်လံ ခြီမှုန်း တိုက်ခိုက်လျက်ဟိရေလို့လည်း ရက္ခိုင့်တပ်တော် ၏ ထုတ်ပြန်ချက်မာ ဖော်ပြထားပါရေ။
