ရက္ခိုင်ပြည်မာ အကြမ်းဖက် စစ်ကောင် စီတပ် နိစဉ်ရက်ဆက် စစ်အင်အားတိ ဖြည့်တင်းနီ
APM၊ ဂျန်နဝါရီ ၂၄/၂၀၂၄
ရက္ခိုင်ပြည်မာအကြမ်းဖက်စစ်ကောင်စီတပ်စွာ နိစဉ်ရက် ဆက် စစ်အင်အားတိကို ဖြည့်တင်းနီရေလို့ ညီနောင်မဟာ မိတ်(၃)ဖွဲ့၏ ဂျန်နဝါရီ ၂၃ ရက်နိ စစ်သတင်း ထုတ်ပြန်ချက်မာ ထည့်သွင်းဖော်ပြထားပါရေ။
ညီနောင်(၃)ဖွဲ့၏ အဆိုပါထုတ်ပြန်ချက်ထဲမာ ” ရက္ခိုင်ဒေ သအတွင်း စစ်ပန်း၍ စစ်ရီး မယှဉ်နိုင်သည့် စစ်ကောင်စီဖက်မှ ရီကြောင်း၊ လီကြောင်းဖြင့် ရက်ဆက် စစ်အင်အားဖြည့် တင်းခြင်းတိကို မပြတ်လုပ်ဆောင်နီသည့် အတွက် စစ်ဘောင် ကျယ်ပြန့်လာမည့်အသွင် ဟိနီသည်” လို ဖော် ပြပါရေ။
ယင်းအပြင် ဒေနိမာလည်း ရက္ခိုင်ပြည် ပေါက်တော၊ မင်းပြား၊ ကျောက်တော်နန့် ရသေ့တောင်မြို့နယ်တိမာ ရက္ခိုင့်တပ်တော် (AA)နန့် စစ်ကောင်စီတပ်ရို့အကြားနှစ်ဖက်ရင် ဆိုင်တိုက်ပွဲတချို့ဟိခပြီး၊ မင်းပြားမြို့ထက်သို့ ရန်သူ့နေဗီ သင်္ဘောတိနန့် အင်အား ဖြည့်တင်းလာရေ စစ်ကောင်စီတပ်ဖွဲ့ဝင်တိကို ရက္ခိုင့်တပ်တော်(AA)က ချေမှုန်းနိုင်ခရေလို ဆိုပါရေ။
အလားတူ ကျောက်ဖြူ၊ ရမ်းဗြဲ၊ တောင်ကုတ်နန့် မြေပုံမြို့ နယ်တိမာလည်း စစ်ကောင်စီကစစ်ရီးပြင်ဆင်မှုတိနန့် စစ် အင်အားတိုးချဲ့နီရာချထားမှုတိကိုဆက်တိုက်လုပ်ဆောင် လာနီရေလို့ ညီနောင်မဟာမိတ်(၃)ဖွဲ့ ၏ စစ်သတင်းထုတ်ပြန်ချက်မာ ထည့်သွင်း ဖော်ပြထားပါရေ။
