APM၊ ဖေဖော်ဝါရီ ၂၀/၂၀၂၄
အကြမ်းဖက်စစ်ကောင်စီတပ် ထောင်ထားခရေမိုင်းကို တက်နင်းမိလို့ ဖေဖော်ဝါရီ ၁၈ ရက်နိက ပလက်ဝမြို့နယ်၊ ဖွေလိုက်ဝ (၂) ရွာသား တယောက် ဂွင်ချင်း သီဆုံးလားကြောင်း သိရပါရေ။
စစ်ကောင်စီမိုင်းကို တက်နင်းမိလို့ သီဆုံးလားခရေလူကတော့ ပလက်ဝမြို့နယ် ဖွေလိုက်ဝ(၂) ရွာက ဦးမောင်စောသိန်း ဖြစ်ပါရေ။
ဦးမောင်စောသိန်းစွာ ဖေဖော်ဝါရီ ၁၈ ရက်နိ၊ မိုးထ ၉ နာရီ လောက်က တောကောင်ရှာဖို့ဆိုပြီးကေ အနားဟိတောထဲသို့ လားခပြီးနောက် နိခင်း ၁၁ နာရီအချိန်လောက်ခါ အကြမ်းဖက်စစ်ကောင်စီတပ် တပ်စွဲနီထိုင်ခရေ “ပကာဝစခန်း” အနားမာ မိုင်းကိုနင်းမိ ပေါက်ကွဲပနာ ဂွင်ချင်း သီဆုံးလားခရေလို့ ဒေသခံတိက ပြောပါရေ။
သီဆုံးလားခရေ ဦးမောင်စောသိန်း၏ ရုပ်အလော င်းကိုတော့ ဖေဖော်ဝါရီ ၁၉ ရက်နိ၊ညဇာ ၅ နာရီ ၃၀ မိနစ်အချိန်က ရွာသင်္ချိုင်းမာ မြှုပ်နှံသင်္ဂြိုလ်ပြီးဖြစ်တေလို့ သိရပါရေ။
Please follow and like us:
