အကြမ်းဖက်စစ်ကောင်စီ၏ လီကြောင်း၊ရီကြောင်းဗုံးကြဲ၊ တိုက်ခိုက်မှုကြောင့် ရမ်းဗြဲမြို့၊ အမှတ်(၄)ရပ်ကွက်၊ ကင်းတဲအရပ်က လူနီအိမ် (၆၀)ကျော် မီးလောင်ပြာကျ
APM၊ ဖေဖော်ဝါရီ ၁၇/၂၀၂၄
၂၀၂၄ ခုနှစ်၊ ဖေဖော်ဝါရီ ၁၇ ရက်နိမာအကြမ်းဖက်စစ်ကောင်စီ၏ ရီကြောင်းနန့် ရီကြောင်းက အပြင်းထန်ဆုံးတိုက် ခိုက်၊ဗုံးကြဲ၊ ပစ်ခတ်မှုကြောင့် ရမ်းဗြဲမြို့၊ အမှတ်(၄)ရပ်ကွက်၊ ကင်းတဲအရပ်က လူနီအိမ် ၆၀ ကျော် မီးလောင်ပြာကျလားရေလို့ သိရပါရေ။
ဒေနိ၊ ဖေဖော်ဝါရီ ၁၇ ရက်နိ၊ မိုးထ ၈ နာရီ ၅၃ မိနစ်မှ ၉ နာရီ ၅၂ မိနစ်ထိ ကလိန်တောင်မြစ်ထဲဟိ နေဗီစစ်သင်္ဘော က လက်နက်ကြီးနန့် (၉)ကြိမ် ရမ်းဗြဲမြို့ကို ပစ်ခတ်ခပါရေ။
ယင်းနောက် နိခင်း ၁၁ နာရီ ၁၅ မိနစ်မှ ၁၁ နာရီ ၅၀ မိနစ်အထိ Mi-35 စစ်ရဟတ်ယာဥ်တစီးနန့် ရမ်းဗြဲမြို့ကိုဗုံးကြဲတိုက်ခိုက်ပြီး၊ စက်သီနတ်နန့်အချိန်းပေါင်း ရွီမရအောင်ပစ်ခတ်တိုက် ခိုက်ခပါရေ။
ယင်းအပြင် ညဇာ ၄ နာရီ ၁၄ မိနစ်မှ ၄ နာရီ ၃၈ မိနစ်ထိ ဂျက်ဖိုက်တာ ၂ စီးနန့် ရမ်းဗြဲမြို့ကို လာရောက်ဗုံးကြဲခပါသိမ့်ရေ။
ယင်းပိုင် စစ်ကောင်စီ၏ ရီကြောင်း၊လီကြောင်း ပြင်းပြင်းထန်ထန်တိုက်ခိုက်မှုကြောင့် အမှတ်(၄)ရပ်ကွက်၊ ကင်းတဲအရပ် မီးဟုန်းဟုန်းတောက်လောင်ကျွမ်းပနာ လူနီအိမ် ပေါင်း(၆၀)ကျော် မီးကူးစက်လောင်ကျွမ်း ပြာကျလားခရေလို့ သိရပါရေ။
