APM၊ နိုဗမ်ဘာ ၂၆/၂၀၂၃
ပုဏ္ဏားကျွန်းမြို့နယ်မာ ကုလားတန်မြစ်အတွင်း ကျောက်ချတန့်ထားရေ စစ်ကောင်စီ၏ ရီတပ်သင်္ဘောက ရပ်ရွာတိသို့ လူမဆန်စွာပစ်ခတ်လျက်ဟိရာ ဒေနိ နိုဗမ်ဘာ ၂၆ နိခင်း ၁ နာရီလောက်က စစ်ကောင်စီရီတပ်သင်္ဘောက ပစ် လိုက်တေ လက်နက်ကြီးကျည်စွာ မပေါက်ကွဲဘဲ ကျော်ဇံရွာ၏ ရွာလယ်လမ်းမထက်သို့ ကျရောက်လာကြောင်း သိရပါရေ။
ရွာလယ်လမ်းမကြီးမာ မပေါက်ကွဲဘဲ ကျနီရေ ယင်းလက် နက်ကြီး အချိန်မရွီးပေါက်ကွဲဖို့စွာ ကို ကျော်ဇံရွာသားတိ စိုးရိမ်လျက်ဟိကြောင်း သိရပါရေ။
ရက္ခိုင်မာ ရက္ခိုင့်တပ်တော် AA နန့် စစ်ကောင်စီတပ်ရို့ တကျော့ပြန် တိုက်ပွဲဖြစ်ပွားပြီးနောက်ပိုင်း စစ်ကောင်စီတပ်က အရပ်သားပြည်သူတိ နီထိုင်ရေ ရပ်ရွာတိကို လက်နက်ကြီး၊ လက်နက်ချေတိနန့်ရည်ရွယ်ချက်ဟိဟိ လူမဆန်စွာ ပစ်ခတ်တိုက်ခိုက်လို့ ဟိနီပါရေ။
ယင်းလက်နက်ကြီးကျည်တိစွာ ဒေသခံပြည်သူတိ နီထိုင်ရာ ရပ်ရွာတိအတွင်းသို့ ကျရောက်ပေါက် ပြီးကေ ပြည်သူတိ သီဆုံး၊ ထိခိုက်ဒဏ်ရာရမှုတိ တရက်ထက်တရက် များပြားလာနီပါရေ။
