(ရခိုင်လူမျိုး Dr.ညိုထွန်းအောင် ရွီးသားသည်)
၂၀၂၂ ခုနှစ်၊ မာ့ချ်လ (၂၄) ရက်၊ ကြာသပတီးနိ
ရက္ခိုင်တမျိုးသားလုံးပါဝင်သော လက်နက်ကိုင်တော်လှန်ရီးကသာလျှင် ရက္ခိုင့်အချုပ်အချာအာဏာကို ပြန်လည်ရယူနိုင်ပြီး အာရက္ခနိုင်ငံ တော်ကို တည်ဆောက်နိုင်မည်။ နိုင်ငံတနိုင်ငံကိုလိုချင်ပါက ထိုနိုင်ငံနန့်ထိုက်တန်သော ပီးဆပ်မှုများကို ပီးဆပ်ရန်လိုအပ်သည်။ အပြောင်း အလဲကိုလိုလားသူတိုင်း အမျိုးသားတော်လှန်ရီးကို ဆင်နွှဲကတ်ရမည်။ စိတ်ကူးနန့် တော်လှန်နီခြင်းထက် လက်တွိကျသော အလုပ်ဖြင့် တော်လှန်ရီးထဲတွင် ပါဝင်ရန်လိုအပ်မည်။ တော်လှန်ရီးသမားများအတွက် တော်လှန်ရီးသည် နီရာတိုင်းတွင်ဟိသည်။ လက်နက်ကိုင်တိုက် ပွဲဝင်မှတော်လှန်ရီးကို ဆင်နွှဲနီခြင်းမဟုတ်။ ဘက်စုံတော်လှန်ရီးကို တဒေါင့်တနီရာမှ အကျိုးပြုအထောက်အကူပြုနီပါကတော်လှန်ရီး အတွက် အကျိုးဟိခြင်းပင် ဖြစ်သည်။ နောက်ဆုံးအနီနန့် တော်လှန်ရီးကို အကျိုးမပြုသည့်တိုင်အောင် အကျိုးယုတ်သည့်သူများဖြစ်မ လားရန်သာ လိုသည်။
မိသားစုတစုသည် တိုင်းပြည်တပြည်၏ အငယ်ဆုံးသော အစိတ်အပိုင်းဖြစ်တေပိုင် တိုင်းပြည်တည်ဆောက်ရီးကာလတွင် အရေးကြီးသော အစိတ်အပိုင်းမှတည်ဟိနီရာယူလျက်ဟိသည်။ထိုမိသားစုများသည် အမျိုးသားရန်ပုံငွေထည့်ဝင်ခြင်း၊ အခွန်ထမ်းဆောင်ခြင်းသည် အာရက္ခ တိုင်းပြည်မှ အနာဂတ်မျိုးဆက်များအတွက် ရင်းနှီးမြှုပ်နှံနီခြင်းပင်ဖြစ်သည်။ အစဦးတွင်ရက္ခိုင့်တပ်တော် တည်ဆောက်ရီးအတွက် အမျိုးသားရန်ပုံငွေ ထည့်ဝင်ကတ်ခြင်းဖြစ်ပြီး အဂုအချိန်တွင်အမျိုးသားရန်ပုံငွေနန့် အခွန်ထမ်းဆောင်နီခြင်းသည်ရက္ခိုင့်တပ်တော် တည်တံ့ အောင် ထည့်ဝင်နီခြင်းအဖြစ် သက်ရောက်စီသည်။ တနည်း အာရက္ခတိုင်းပြည်တည်ဆောက်ရီးတွင် တဖက်တလမ်းက ပါဝင်နီခြင်းဖြစ် သည်။ တော်လှန်ရီးအစမှ ဒေနိအထိ အမျိုးသားရန်ပုံငွေများကို တစိုက်မတ်မတ် ထည့်ဝင်ပီးနီသူများကို လေးလေးနက်နက် ဂုဏ်ပြု မှတ်တမ်းတင်အပ်ပါသည်။
မိမိရို့သည် ရက္ခိုင့်တပ်တော်ကို အင်အားကောင်းအောင်တည်ဆောက်ပြီးနောက် တပြိုင်နက်တည်းတွင် ရက္ခိုင်အမျိုးသား အဖွဲ့ချုပ်၊ ရက္ခိုင်ပြည်သူ့အာဏာပိုင်အဖွဲ့၊ ဒေသပါတီအစိုးရအဖွဲ့များကို ဆက်တိုက်တိုးချဲ့ဖွဲ့စည်းသည့် လုပ်ငန်းများကို အထူးအလေးထား ဂရုပြု ၍လုပ်ဆောင်လျက်ဟိသည်။ ပြည်သူ့အကျိုးပြုလုပ်ငန်းများ၊ ပြည်သူ့ဝန်ဆောင်မှု လုပ်ငန်းများကို ထမ်းဆောင်ယင်း ရက္ခိုင့်တရား စီရင်ရီးမဏ္ဍိုင်တည့်မတ်လာစီရန်၊ အာရက္ခသားတိုင်း တရားမျှတမှုရဟိစီရန် “တရားမျှတ ပြည်အာရက္ခ” ဆောင်ပုဒ်နန့်အညီ ကြိုးစား ဆောင်ရွက်လျက်ဟိသည်။
ရက္ခိုင်အမျိုးသားအဖွဲ့ချုပ်အနီနန့်လည်း ရက္ခိုင့်တရားစီရင်ရီး တည့်မတ်လာရီး၊ လာဘ်ပီးလာဘ်ယူကင်းယှင်းရီး စသည်ရို့ကို တဆင့်ချင်း တဆင့်ချင်း ဆောင်ရွက်လျက်ဟိသည်။ လိုအပ်ချက်၊ အားနည်းချက်များကို နည်းနိုင်သမျှ နည်းအောင်လုပ်ယင်း ကဏ္ဍတိုင်းတွင် ပုံမှန် အနီအထားနန့် တည့်မတ်မှုဟိအောင် မိမိရို့တွင်ဟိသော လူ့အရင်းအမြစ်များဖြင့် အကောင်းဆုံး ကြိုးစားလျက်ဟိသည်။ ယေကေလေ့ လူ့အရင်းအမြစ်လိုအပ်ချက်များနန့် တာဝန်ထမ်းဆောင်သူများ၏ အရည်အချင်း ပိုင်းဆိုင်ရာ လိုအပ်ချက်များအရ အားမလိုအားမရ ဖြစ်နီသည်များကို မိမိရို့အနီနန့် အစွမ်းကုန်ကြိုးစား ဖြေယှင်းလျက် ဟိပါသည်။
လက်ဟိသီဆိုနီကတ်သော အာရက္ခနိုင်ငံတော်တေးခြင်းသည်ပင်လျှင် ပြီးပြည့်စုံသိမ့်သောတေးခြင်းတပုဒ် မဟုတ်သိမ့် သောကြောင့် ဂီတအနုပညာသျှင်များအနီနန့် နောက်ထပ်သော အာရက္ခနိုင်ငံတော်တေးခြင်း အသစ်များ၊ တိုင်းပြည် တည်ဆောက်ရီးတွင် အားမာန် ဟိသောတေးခြင်းများကို ရွီးသားကတ်ရန် တိုက်တွန်းလိုက်ပါသည်။ ဂီတသမားများအနီနန့် ဂီတတော်လှန်ရီးကိုဆင်နွှဲယင်း အမျိုးသား တော်လှန်ရီးထဲတွင် တဒေါင့်တနီရာကပါဝင်ရန် လိုအပ်လျက်ဟိနီပါသည်။
စာပီသမားများအနီနန့်လည်း ရက္ခိုင်စာပီတရပ်ပေါ်ထွန်းလာရီး၊ တည်ငြိမ်ရက္ခိုင်စာအရွီးအသားဖြစ်ပေါ်လာရီး၊ ရက္ခိုင်စာပီဖွံ့ဖြိုး တိုးတက် လာရီး၊ ရက္ခိုင်သတ်ပုံကျမ်းဖြစ်ပေါ်လာရီးရို့အတွက် စာပီတော်လှန်ရီးတရပ်ကို ဆင်နွှဲရန် လိုအပ်လျက်ဟိနီပါသည်။ အနုပညာဆီးပေါင်းခ သော စာပီသမားများ ရသစာပီဉာဏ်ကွန့်မြူးပြီး ဘက်စုံတော်လှန်ရီးကို အထောက်အကူပြုစီသောစာပီများ ထွက်ပေါ်လာရန်ကြိုးပမ်း ကတ်ရမည်။
ရက္ခိတလမ်းစဉ်ကိုအထောက်အကူပြုသော၊ ရက္ခိုင့်အနာဂတ်တည်တံ့ရီးကို အာမခံချက်ပီးနီုင်မည့် လူတော်လူချွန်များ မွီးထုတ်ပီးနိုင်သော ပညာရီးစနစ်ကို အကောင်အထည်ဖော်နိုင်မှသာ အနာဂတ်တိုင်းပြည်တည်တံ့ရီးကို အာမခံချက် ပီးနိုင်မည်။ ထို့ကြောင့် ပညာရီးနယ်ပယ်ကို တာဝန်ယူကတ်မည့်ပညာရီးဝန်ထမ်းသူရဲကောင်းများကိုလည်း အာရက္ခတိုင်းပြည်တည်ဆောက်ရီးတွင်မဟိမဖြစ်လိုအပ်လျက်ဟိနီပါသည်။
ပညာရီးနယ်ပယ်၌ တော်လှန်ရီးတရပ်ကိုဆင်နွှဲကတ်မည့် ဦးစီးဦးဆောင် ပညာရီးဝန်ထမ်းများအား ရက္ခိုင်ပြည်သူ့ အစိုးရမှ တာဝန်များကို အပ်နှင်းရန် အသင့်စောင့်မျှော်လျက်ဟိနီပါသည်။ အာရက္ခနိုင်ငံတော်ကို လက်ဆင့်ကမ်းယူမည့် အနာဂတ် မျိုးဆက်သစ်များကို မွီးထုတ်ပီး နိုင်မည့် ပညာပြည့်ဝ အရည်အချင်းဟိသော ပညာရီးဝန်ထမ်း များစွာလိုအပ်လျက် ဟိနီပါသည်။ ရက္ခိုင့်ပညာရီးအပါအဝင် ဆောက်လုပ်ရီး၊ ကျန်းမားရီး၊ စိုက်ပျိုးရီး၊ မွီးမြူရီး၊ သတင်းမီဒီယာကဏ္ဍစုံ၊ နယ်ပယ်စုံ၊ ဌာနစုံတွင်ကိုယ်တိုင်ကိုယ်ကျလူကိုယ်တိုင်လာရောက်၍ ရင်းနှီးမြှုပ်နှံ ရန် ဖိတ်ခေါ်ပါသည်။ တပြိုင်နက်တည်းတွင် ကမ္ဘာအရပ်ရပ်သို့ ပြန့်ကြင်းရောက်ဟိနီကတ်သော ရက္ခိုင်မိသားစုများကိုလည်း မိမိရို့၏ သား၊ သမီးများကိုထူးချွန်ထက်မြက်သောအသိပညာသျှင်၊အတတ်ပညာသျှင်များဖြစ်အောင် ပြုစုပျိုးထောင်ပီးကတ်ရန် တိုက်တွန်းလိုက်ပါသည်။
ကမ္ဘာကြီးနန့် လိုက်လျောညီထွေစွာ နီထိုင်နိုင်ရီးအပြင် အဖက်ဖက်တွင် သူတပါး၏ အမှီအခိုကင်းကင်း ရပ်တည် နိုင်ရီးအတွက် သိပ္ပံနန့် နည်းပညာသျှင်များ၏အခန်းကဏ္ဍသည် အဓိကကျသောကြောင့် လူငယ်များအနီနန့် သိပ္ပံနန့် နည်းပညာပိုင်းတွင် ထူးချွန်ထက်မြက်အောင် ကြိုးစားရန်လိုအပ်ပါသည်။ အာရက္ခနိုင်ငံတော် တည်ဆောက်ရီးအတွက် အရည်အချင်းဟိသော လူ့အရင်းအမြစ်များကို ဘက်ပေါင်းစုံမှ လိုအပ်လျက်ဟိနီပါသည်။ အထူးသဖြင့် ဘက်စုံတော်လှန်ရီး၏ လိုအပ်ချက်ကွက်လပ်များကို အံဝင်ဂွင်ကျ ဖြည့်ဆည်းပီးနိုင်ကတ်မည့် သူများကို ပို၍လိုအပ်နီပါသည်။
စစ်ဖက်ဆိုင်ရာတည်ဆောက်ရီး၊ အာရက္ခဒေသနီ ပြည်သူလူထု အချင်းချင်းအကြား စည်းလုံးညီညွတ်ရီး တည်ဆောက်ရီး၊ တမျိုးသားလုံး စိတ်ဓာတ်ပိုင်းရီးရာတည်ဆောက်ရီး အစဟိသဖြင့် ဘက်ပေါင်းစုံတည်ဆောက်ရီးရို့ကို ရက္ခိုင်အမျိုးသား အဖွဲ့ချုပ်/ရက္ခိုင့်တပ်တော်မှ ဆယ်စုနှစ်ချီ၍ ကြိုးပမ်းတည်ဆောက်ခရသည်။ ဆက်လက်၍လည်း တည်ဆောက်နီရဆဲ ဖြစ်သည်။ ထို့အတူ တည်ဆောက်ပြီးသားအရာ များကို မပျက်ယွင်းရအောင် ဆက်လက်ထိန်းသိမ်းယင်း အန္တိမရည်မှန်းချက် တပြည့်အထိ တည်ဆောက်နီပါသည်။
အာရက္ခပြည်သူတရပ်လုံး၏ အမျိုးသားသွီးစည်းညီညွတ်မှုသည် တရက်ထက်တရက် ပိုမိုခိုင်မြဲလာရမည်။ ထို့အပြင် ရက္ခိုင်ဟုခံယူထား သောသူများသည် ဘက်စုံတော်လှန်ရီးထဲတွင် ပုံစံတမျိုးမျိုးဖြင့် ပါဝင်ပြီးသားဖြစ်နီရမည်။ လောလော ဆယ်၌ ပါဝင်ရန် အဆင်သင့်မဖြစ် သိမ့်သောသူများအနီနန့်လည်း ၂၀၂၂ နှစ် မကုန်မီ တနီနီရာ၌ပါဝင်နိုင်အောင် ကြိုးစားကတ် ရန်နန့် အာရက္ခနိုင်ငံတော်တည်ဆောက်ရီး၌ အမြန်ဆုံးပါဝင်လာကတ်ရန် ဖိတ်ခေါ်လိုက်ပါသည်။
ဘက်စုံတော်လှန်ရီးကို အတူတူဆင်နွှဲယင်း အာရက္ခနိုင်ငံတော်ကို အတူတူတည်ဆောက်ကတ်ပါမေ။
ရခိုင်လူမျိုး Dr. ညိုထွန်းအောင်
၂၀၂၂ ခုနှစ်၊ မာ့ချ်လ (၂၄) ရက်၊ ကြာသပတီးနိ မိုးထ (၈) နာရီခွဲတွင် ရွီးသားပြီးစီးသည်။ ဖတ်ပီးရေလူတိုင်းကို ကျေးဇူးပါ။
https://www.drnyotwanawng.com/post/5aa1abfb-fb94-4050-8278-7bcc6d6a8951
(Zawgyi)
ဘက္စုံေတာ္လွန္ရီး (သို႔မဟုတ္) အာရကၡႏိုင္ငံေတာ္ တည္ေဆာက္ျခင္း အႏုပညာ
အပိုင္း(၅) (နိဂုံး)
(ရခိုင္လူမ်ိဳး Dr.ညိဳထြန္းေအာင္ ႐ြီးသားသည္)
၂၀၂၂ ခုႏွစ္၊ မာ့ခ်္လ (၂၄) ရက္၊ ၾကာသပတီးနိ
ရကၡိဳင္တမ်ိဳးသားလုံးပါဝင္ေသာ လက္နက္ကိုင္ေတာ္လွန္ရီးကသာလွ်င္ ရကၡိဳင့္အခ်ဳပ္အခ်ာအာဏာကို ျပန္လည္ရယူႏိုင္ၿပီး အာရကၡႏိုင္ငံေတာ္ကို တည္ေဆာက္ႏိုင္မည္။ ႏိုင္ငံတႏိုင္ငံကိုလိုခ်င္ပါက ထိုႏိုင္ငံနန႔္ထိုက္တန္ေသာ ပီးဆပ္မႈမ်ားကို ပီးဆပ္ရန္လိုအပ္သည္။ အေျပာင္းအလဲကိုလိုလားသူတိုင္း အမ်ိဳးသားေတာ္လွန္ရီးကို ဆင္ႏႊဲကတ္ရမည္။ စိတ္ကူးနန႔္ ေတာ္လွန္နီျခင္းထက္ လက္တြိက်ေသာအလုပ္ျဖင့္ ေတာ္လွန္ရီးထဲတြင္ ပါဝင္ရန္လိုအပ္မည္။ ေတာ္လွန္ရီးသမားမ်ားအတြက္ ေတာ္လွန္ရီးသည္ နီရာတိုင္းတြင္ဟိသည္။ လက္နက္ကိုင္တိုက္ပြဲဝင္မွ ေတာ္လွန္ရီးကို ဆင္ႏႊဲနီျခင္းမဟုတ္။ ဘက္စုံေတာ္လွန္ရီးကို တေဒါင့္တနီရာမွ အက်ိဳးျပဳအေထာက္အကူျပဳနီပါက ေတာ္လွန္ရီးအတြက္ အက်ိဳးဟိျခင္းပင္ ျဖစ္သည္။ ေနာက္ဆုံးအနီနန႔္ ေတာ္လွန္ရီးကို အက်ိဳးမျပဳသည့္တိုင္ေအာင္ အက်ိဳးယုတ္သည့္သူမ်ားျဖစ္မလားရန္သာ လိုသည္။
မိသားစုတစုသည္ တိုင္းျပည္တျပည္၏ အငယ္ဆုံးေသာ အစိတ္အပိုင္းျဖစ္ေတပိုင္ တိုင္းျပည္တည္ေဆာက္ရီးကာလတြင္ အေရးႀကီးေသာအစိတ္အပိုင္းမွ တည္ဟိနီရာယူလ်က္ဟိသည္။ ထိုမိသားစုမ်ားသည္ အမ်ိဳးသားရန္ပုံေငြထည့္ဝင္ျခင္း၊ အခြန္ထမ္းေဆာင္ျခင္းသည္ အာရကၡတိုင္းျပည္မွ အနာဂတ္မ်ိဳးဆက္မ်ားအတြက္ ရင္းႏွီးျမႇဳပ္ႏွံနီျခင္းပင္ျဖစ္သည္။ အစဦးတြင္ ရကၡိဳင့္တပ္ေတာ္ တည္ေဆာက္ရီးအတြက္ အမ်ိဳးသားရန္ပုံေငြ ထည့္ဝင္ကတ္ျခင္းျဖစ္ၿပီး အဂုအခ်ိန္တြင္ အမ်ိဳးသားရန္ပုံေငြနန႔္ အခြန္ထမ္းေဆာင္နီျခင္းသည္ ရကၡိဳင့္တပ္ေတာ္ တည္တံ့ေအာင္ ထည့္ဝင္နီျခင္းအျဖစ္ သက္ေရာက္စီသည္။ တနည္း အာရကၡတိုင္းျပည္တည္ေဆာက္ရီးတြင္ တဖက္တလမ္းက ပါဝင္နီျခင္းျဖစ္သည္။ ေတာ္လွန္ရီးအစမွ ေဒနိအထိ အမ်ိဳးသားရန္ပုံေငြမ်ားကို တစိုက္မတ္မတ္ ထည့္ဝင္ပီးနီသူမ်ားကို ေလးေလးနက္နက္ ဂုဏ္ျပဳမွတ္တမ္းတင္အပ္ပါသည္။
မိမိ႐ို႕သည္ ရကၡိဳင့္တပ္ေတာ္ကို အင္အားေကာင္းေအာင္တည္ေဆာက္ၿပီးေနာက္ တၿပိဳင္နက္တည္းတြင္ ရကၡိဳင္အမ်ိဳးသား အဖြဲ႕ခ်ဳပ္၊ ရကၡိဳင္ျပည္သူ႔အာဏာပိုင္အဖြဲ႕၊ ေဒသပါတီအစိုးရအဖြဲ႕မ်ားကို ဆက္တိုက္တိုးခ်ဲ႕ဖြဲ႕စည္းသည့္ လုပ္ငန္းမ်ားကို အထူးအေလးထား ဂ႐ုျပဳ၍လုပ္ေဆာင္လ်က္ဟိသည္။ ျပည္သူ႔အက်ိဳးျပဳလုပ္ငန္းမ်ား၊ ျပည္သူ႔ဝန္ေဆာင္မႈ လုပ္ငန္းမ်ားကို ထမ္းေဆာင္ယင္း ရကၡိဳင့္တရားစီရင္ရီးမ႑ိဳင္တည့္မတ္လာစီရန္၊ အာရကၡသားတိုင္း တရားမွ်တမႈရဟိစီရန္ “တရားမွ်တ ျပည္အာရကၡ” ေဆာင္ပုဒ္နန႔္အညီ ႀကိဳးစားေဆာင္႐ြက္လ်က္ဟိသည္။
ရကၡိဳင္အမ်ိဳးသားအဖြဲ႕ခ်ဳပ္အနီနန႔္လည္း ရကၡိဳင့္တရားစီရင္ရီး တည့္မတ္လာရီး၊ လာဘ္ပီးလာဘ္ယူကင္းယွင္းရီး စသည္႐ို႕ကို တဆင့္ခ်င္းတဆင့္ခ်င္း ေဆာင္႐ြက္လ်က္ဟိသည္။ လိုအပ္ခ်က္၊ အားနည္းခ်က္မ်ားကို နည္းႏိုင္သမွ် နည္းေအာင္လုပ္ယင္း က႑တိုင္းတြင္ ပုံမွန္အနီအထားနန႔္ တည့္မတ္မႈဟိေအာင္ မိမိ႐ို႕တြင္ဟိေသာ လူ႔အရင္းအျမစ္မ်ားျဖင့္ အေကာင္းဆုံး ႀကိဳးစားလ်က္ဟိသည္။ ေယေကေလ့ လူ႔အရင္းအျမစ္လိုအပ္ခ်က္မ်ားနန႔္ တာဝန္ထမ္းေဆာင္သူမ်ား၏ အရည္အခ်င္း ပိုင္းဆိုင္ရာ လိုအပ္ခ်က္မ်ားအရ အားမလိုအားမရ ျဖစ္နီသည္မ်ားကို မိမိ႐ို႕အနီနန႔္ အစြမ္းကုန္ႀကိဳးစား ေျဖယွင္းလ်က္ ဟိပါသည္။
လက္ဟိသီဆိုနီကတ္ေသာ အာရကၡႏိုင္ငံေတာ္ေတးျခင္းသည္ပင္လွ်င္ ၿပီးျပည့္စုံသိမ့္ေသာေတးျခင္းတပုဒ္ မဟုတ္သိမ့္ ေသာေၾကာင့္ ဂီတအႏုပညာသွ်င္မ်ားအနီနန႔္ ေနာက္ထပ္ေသာ အာရကၡႏိုင္ငံေတာ္ေတးျခင္း အသစ္မ်ား၊ တိုင္းျပည္ တည္ေဆာက္ရီးတြင္ အားမာန္ဟိေသာေတးျခင္းမ်ားကို ႐ြီးသားကတ္ရန္ တိုက္တြန္းလိုက္ပါသည္။ ဂီတသမားမ်ားအနီနန႔္ ဂီတေတာ္လွန္ရီးကိုဆင္ႏႊဲယင္း အမ်ိဳးသားေတာ္လွန္ရီးထဲတြင္ တေဒါင့္တနီရာကပါဝင္ရန္ လိုအပ္လ်က္ဟိနီပါသည္။
စာပီသမားမ်ားအနီနန႔္လည္း ရကၡိဳင္စာပီတရပ္ေပၚထြန္းလာရီး၊ တည္ၿငိမ္ရကၡိဳင္စာအ႐ြီးအသားျဖစ္ေပၚလာရီး၊ ရကၡိဳင္စာပီဖြံ႕ၿဖိဳး တိုးတက္လာရီး၊ ရကၡိဳင္သတ္ပုံက်မ္းျဖစ္ေပၚလာရီး႐ို႕အတြက္ စာပီေတာ္လွန္ရီးတရပ္ကို ဆင္ႏႊဲရန္ လိုအပ္လ်က္ဟိနီပါသည္။ အႏုပညာဆီးေပါင္းခေသာ စာပီသမားမ်ား ရသစာပီဉာဏ္ကြန႔္ျမဴးၿပီး ဘက္စုံေတာ္လွန္ရီးကို အေထာက္အကူျပဳစီေသာစာပီမ်ား ထြက္ေပၚလာရန္ႀကိဳးပမ္းကတ္ရမည္။
ရကၡိတလမ္းစဥ္ကိုအေထာက္အကူျပဳေသာ၊ ရကၡိဳင့္အနာဂတ္တည္တံ့ရီးကို အာမခံခ်က္ပီးႏီုင္မည့္ လူေတာ္လူခြၽန္မ်ား မြီးထုတ္ပီးႏိုင္ေသာ ပညာရီးစနစ္ကို အေကာင္အထည္ေဖာ္ႏိုင္မွသာ အနာဂတ္တိုင္းျပည္တည္တံ့ရီးကို အာမခံခ်က္ ပီးႏိုင္မည္။ ထို႔ေၾကာင့္ ပညာရီးနယ္ပယ္ကို တာဝန္ယူကတ္မည့္ ပညာရီးဝန္ထမ္းသူရဲေကာင္းမ်ားကိုလည္း အာရကၡ တိုင္းျပည္တည္ေဆာက္ရီးတြင္ မဟိမျဖစ္လိုအပ္လ်က္ဟိနီပါသည္။
ပညာရီးနယ္ပယ္၌ ေတာ္လွန္ရီးတရပ္ကိုဆင္ႏႊဲကတ္မည့္ ဦးစီးဦးေဆာင္ ပညာရီးဝန္ထမ္းမ်ားအား ရကၡိဳင္ျပည္သူ႔ အစိုးရမွ တာဝန္မ်ားကိုအပ္ႏွင္းရန္ အသင့္ေစာင့္ေမွ်ာ္လ်က္ဟိနီပါသည္။ အာရကၡႏိုင္ငံေတာ္ကို လက္ဆင့္ကမ္းယူမည့္ အနာဂတ္ မ်ိဳးဆက္သစ္မ်ားကို မြီးထုတ္ပီးႏိုင္မည့္ ပညာျပည့္ဝ အရည္အခ်င္းဟိေသာ ပညာရီးဝန္ထမ္း မ်ားစြာလိုအပ္လ်က္ ဟိနီပါသည္။ ရကၡိဳင့္ပညာရီးအပါအဝင္ ေဆာက္လုပ္ရီး၊ က်န္းမားရီး၊ စိုက္ပ်ိဳးရီး၊ မြီးျမဴရီး၊ သတင္းမီဒီယာက႑စုံ၊ နယ္ပယ္စုံ၊ ဌာနစုံတြင္ ကိုယ္တိုင္ကိုယ္က် လူကိုယ္တိုင္လာေရာက္၍ ရင္းႏွီးျမႇဳပ္ႏွံရန္ ဖိတ္ေခၚပါသည္။ တၿပိဳင္နက္တည္းတြင္ ကမာၻအရပ္ရပ္သို႔ ျပန႔္ၾကင္းေရာက္ဟိနီကတ္ေသာ ရကၡိဳင္မိသားစုမ်ားကိုလည္း မိမိ႐ို႕၏ သား၊ သမီးမ်ားကို ထူးခြၽန္ ထက္ျမက္ေသာ အသိပညာသွ်င္၊ အတတ္ပညာသွ်င္မ်ားျဖစ္ေအာင္ ျပဳစုပ်ိဳးေထာင္ပီးကတ္ရန္ တိုက္တြန္းလိုက္ပါသည္။
ကမာၻႀကီးနန႔္ လိုက္ေလ်ာညီေထြစြာ နီထိုင္ႏိုင္ရီးအျပင္ အဖက္ဖက္တြင္ သူတပါး၏ အမွီအခိုကင္းကင္း ရပ္တည္ ႏိုင္ရီးအတြက္ သိပၸံနန႔္ နည္းပညာသွ်င္မ်ား၏အခန္းက႑သည္ အဓိကက်ေသာေၾကာင့္ လူငယ္မ်ားအနီနန႔္ သိပၸံနန႔္ နည္းပညာပိုင္းတြင္ ထူးခြၽန္ထက္ျမက္ေအာင္ ႀကိဳးစားရန္လိုအပ္ပါသည္။ အာရကၡႏိုင္ငံေတာ္ တည္ေဆာက္ရီးအတြက္ အရည္အခ်င္းဟိေသာ လူ႔အရင္းအျမစ္မ်ားကို ဘက္ေပါင္းစုံမွ လိုအပ္လ်က္ဟိနီပါသည္။ အထူးသျဖင့္ ဘက္စုံေတာ္လွန္ရီး၏ လိုအပ္ခ်က္ကြက္လပ္မ်ားကို အံဝင္ဂြင္က် ျဖည့္ဆည္းပီးႏိုင္ကတ္မည့္သူမ်ားကို ပို၍လိုအပ္နီပါသည္။
စစ္ဖက္ဆိုင္ရာတည္ေဆာက္ရီး၊ အာရကၡေဒသနီ ျပည္သူလူထု အခ်င္းခ်င္းအၾကား စည္းလုံးညီၫြတ္ရီး တည္ေဆာက္ရီး၊ တမ်ိဳးသားလုံး စိတ္ဓာတ္ပိုင္းရီးရာတည္ေဆာက္ရီး အစဟိသျဖင့္ ဘက္ေပါင္းစုံတည္ေဆာက္ရီး႐ို႕ကို ရကၡိဳင္အမ်ိဳးသား အဖြဲ႕ခ်ဳပ္/ရကၡိဳင့္တပ္ေတာ္မွ ဆယ္စုႏွစ္ခ်ီ၍ ႀကိဳးပမ္းတည္ေဆာက္ခရသည္။ ဆက္လက္၍လည္း တည္ေဆာက္နီရဆဲ ျဖစ္သည္။ ထို႔အတူ တည္ေဆာက္ၿပီးသားအရာမ်ားကို မပ်က္ယြင္းရေအာင္ ဆက္လက္ထိန္းသိမ္းယင္း အႏၲိမရည္မွန္းခ်က္ တျပည့္အထိ တည္ေဆာက္နီပါသည္။
အာရကၡျပည္သူတရပ္လုံး၏ အမ်ိဳးသားသြီးစည္းညီၫြတ္မႈသည္ တရက္ထက္တရက္ ပိုမိုခိုင္ၿမဲလာရမည္။ ထို႔အျပင္ ရကၡိဳင္ဟုခံယူထားေသာသူမ်ားသည္ ဘက္စုံေတာ္လွန္ရီးထဲတြင္ ပုံစံတမ်ိဳးမ်ိဳးျဖင့္ ပါဝင္ၿပီးသားျဖစ္နီရမည္။ ေလာေလာ ဆယ္၌ ပါဝင္ရန္ အဆင္သင့္ မျဖစ္သိမ့္ေသာသူမ်ားအနီနန႔္လည္း ၂၀၂၂ ႏွစ္ မကုန္မီ တနီနီရာ၌ပါဝင္ႏိုင္ေအာင္ ႀကိဳးစားကတ္ ရန္နန႔္ အာရကၡႏိုင္ငံေတာ္တည္ေဆာက္ရီး၌ အျမန္ဆုံးပါဝင္လာကတ္ရန္ ဖိတ္ေခၚလိုက္ပါသည္။
ဘက္စုံေတာ္လွန္ရီးကို အတူတူဆင္ႏႊဲယင္း အာရကၡႏိုင္ငံေတာ္ကို အတူတူတည္ေဆာက္ကတ္ပါေမ။
ရခိုင္လူမ်ိဳး Dr. ညိဳထြန္းေအာင္
၂၀၂၂ ခုႏွစ္၊ မာ့ခ်္လ (၂၄) ရက္၊ ၾကာသပတီးနိ မိုးထ (၈) နာရီခြဲတြင္ ႐ြီးသားၿပီးစီးသည္။ ဖတ္ပီးေရလူတိုင္းကို ေက်းဇူးပါ။
https://www.drnyotwanawng.com/post/5aa1abfb-fb94-4050-8278-7bcc6d6a8951
