APM၊ စပ်တမ်ဘာ ၉ / ၂၀၂၃
အက်စတွန်ဗီလာအသင်းက ဘရာဇီးလ်ကဇတ်သမား ဖိလစ်ပီကော်တင်ဟိုစွာ တရာသီအငှားနန့် ကာတာကလပ် အယ်လ်ဒူ ဟေးလ်အသင်းသို့ ရောက်ဟိလာဗျာယ်လို့ ကလပ်အသင်းဖက်က စပ်တမ်ဘာ ၈ ရက်နိ အတည်ပြုကြေညာလိုက်ပါရေ။
ကော်တင်ဟိုနန့် အက်စတွန်ဗီလာအသင်းရို့စွာ လာဖို့ ၂၀၂၆ ခုနှစ်မှာ စာချုပ်သက်တမ်းကုန်ဖို့ဖြစ်ကေလေ့ ကုန်ခရေ ရာသီက ပေါင်ဒဏ်ရာပြဿနာနန့်ရင်ဆိုင်ခရပြီးကေ အသင်းမာခြီစွမ်းကောင်းတိမပြနိုင်ခလို့ အသင်းပြောင်းကဇတ်ဖို့ အယ်လ်ဒူဟေးလ် အသင်းသို့ ရောက်လာစွာဖြစ်ပါရေ။
ယင်းဒဏ်ရာကြောင့် ကော်တင်ဟိုစွာ ကုန်ခရေ ၂၀၂၂ ကာတာကမ္ဘာ့ဖလားပြိုင်ပွဲမာ နိုင်ငံအသင်းလူစာရင်းကနီ ချန်လှပ် ခံခရ ပါရေ။
အသက် ၃၁ နှစ်အရွယ် ကော်တင်ဟိုစွာ ကုန်ခရေ ၂၀၂၂ ခုနှစ်က ဘာစီလိုနာအသင်းကနီ အက်စတွန် ဗီလာ အသင်း သို့ရောက်လာပြီး အသင်းမာခြီစွမ်းမပြနိုင်ဘဲ ပွဲပေါင်း ၂၀ ကဇတ်ခရာ ၁ ဂိုးရာ သွင်းနိုင်ခပါရေ။
Source Coutinho joins Qatar’s Al Duhail on loan from Aston Villa
Photo Reuters
