APM ၊ စပ်တမ်ဘာ ၉ / ၂၀၂၃
ဒေနိ (စပ်တမ်ဘာ ၉ ရက်နိ) ညဇာပိုင်းအချိန်၊ မင်းပြားမြို့နယ်က ၂ နှစ်အရွယ် အချေတယောက် ရီမြုပ်သီဆုံးလားကြောင်း သိရပါရေ။
ရီမြုပ်သီးဆုံးလားရေအချေမှာ မင်းပြားမြို့နယ်၊ တန်းဆိပ်(မူဆလင်)ရွာက အဖ ဦးဒေါ်လာ၊ အမိ ဒေါ်မသာဖြူရို့၏ သမီး မဘူခရီဂျနက် (၂ နှစ်) ဖြစ်ပါရေ။
မဘူခရီဂျနက်စွာ ဒေနိ ညဇာ ၄ နာရီကျော်လောက်က အိမ်အတွင်း ကဇတ်နီရာက ပျောက်လားခပါရေ။
ယင်းနောက် အိမ်ဘေးဟိ သုံးရီကန် (ဗလီ ရီကန်)ထဲ ရီမြုပ်သီဆုံးနီရေ မဘူခရီဂျနက်ကို ဒေနိ ညဇာ ၄ နာရီခွဲလောက်က ရီခပ်ဖို့လာရေရွာသားတိက ရှာတွိခရေလို့ ဆိုပါရေ။
မဘူခရီဂျနက်၏ ရုပ်အလောင်းကိုတော့ ဒေနိညည့် ၇ နာရီအချိန် ယင်းရွာက သင်္ချိုင်းမာ မြှုပ်နှံသင်္ဂြိုလ်လိုက်တေလို့ သိရပါရေ။
Please follow and like us:
