APM ၊ ဂျူလိုင် ၉ / ၂၀၂၃
ကျောက်ဖြူမြို့၊ င/လပွိချောင်း၌ ဂျူလိုင် ၈ ရက်နိက ၆ တန်းကျောင်းသားချေ ၂ ယောက်ရီနစ်ပျောက်ဆုံးနီကြောင်း သတင်းရဟိသည်။
ရီနစ်ပျောက်ဆုံးနီသူ ၂ ယောက်မှာ ကျောက်ဖြူမြို့၊ င/လပွိရပ်ကွက်က မောင်ညီကိုဝင်း(၁၃ နှစ်)နန့် မောင်ငွေမင်းဦး(၁၅ နှစ်)ရို့ဖြစ်ကတ်သည်။
သူရို့နှစ်ယောက်သည် နောက်ထပ်ရွယ်တူသူငယ်ချင်းနှစ်ယောက်နန့်အတူ ဂျူလိုင် ၈ ရက်နိညဇာ ၄ နာရီ လောက်က ကင/လပွိ ချောင်းတဖက်ကမ်းဟိ တောင်ရှည်ရွာဖက်မှ ငှက်ပစ်ပြီးအပြန် င/လပွိချောင်းကို ဖြတ်ကူးစဉ် ရီနစ်ပျောက် ဆုံးလားခြင်းဖြစ်သည်။
ရီနစ်ပျောက်ဆုံးနီသူ မောင်ညီကိုဝင်းနန့်မောင်ငွေမင်းဦးရို့ကို ရပ်ကွက်သူ/ရပ်ကွက်သားများနန့် ကယ်ဆယ်ရီးအဖွဲ့များက င/လပွိချောင်းကြောင်းတလျှောက် လိုက်လံရှာဖွိလျက်ဟိပြီး လက်ဟိအချိန်ထိ ရှာမတွိသိမ့်ကြောင်း သိဟိရသည်။
Please follow and like us:
