APM၊ မာ့ချ် ၉ / ၂၀၂၄
အယင်ရက်တိအတွင်း တိုက်ခိုက်မှုတိလျော့ကျနီခရေ စစ်ကောင်စီစွာဒေနိမာ့ချ် ၉ရက်နိမာရမ်းဗြဲမြို့ကိုလီကြောင်း၊ ရီကြောင်းနန့် ပြင်းပြင်းထန်ထန် ဗုံးကြဲ၊ပစ်ခတ် တိုက်ခိုက်လာပြန်ပါရေ။
ဒေနိ၊ မာ့ချ် ၉ ရက်နိ၊ မိုးထ ၄ နာရီ ၅၀ မိနစ် အချိန်ခန့်မာ အကြမ်းဖက် စစ်ကောင်စီ၏ Y-12 လီယာဉ် စတင်ပျံသန်းလာပြီးကေ မိုးထ ၄ နာရီ ၅၈မိနစ်မှ မိုးထ ၅ နာရီ ၃၅ မိနစ် အချိန်ခန့်ထိ ရမ်းဗြဲမြို့ကို အတွဲလိုက် ဗုံးတိကြဲချတိုက် ခိုက်ခပါရေ။
ဆက်လက်ပြီး နေဗီကလည်း မိုးထ ၅ နာရီ ၄၅ မိနစ်(၁)ကြိမ်၊ မိုးထ ၅နာရီ ၄၇ မိနစ် (၁) ကြိမ်၊ မိုးထ ၅ နာရီ ၄၉မိနစ် (၁) ကြိမ်၊ မိုးထ ၅နာရီ ၅၃ မိနစ် (၁)ကြိမ် ၊ မိုးထ ၅နာရီ ၅၇ မိနစ် (၁)ကြိမ်၊ မိုးထ ၆ နာရီ (၁)ကြိမ်၊မိုးထ ၆နာရီ ၄ မိနစ် (၁)ကြိမ်၊ မိုးထ ၆နာရီ ၇ မိနစ် (၁)ကြိမ်၊ မိုးထ ၆နာရီ ၈ မိနစ် (၁)ကြိမ်၊ စုစုပါင်းလက်နက်ကြီးနန့် (၉)ကြိမ်ပစ်ခတ် ခပါရေ။ ယင်းလက်နက်ကြီးတိစွာ ရမ်းဗြဲမြို့အမှတ်(၅) တောင်ဥက္ကလာ၊ လောင်းချောင်းရပ်ကွက်များအပြင်ကိုယ် ရံတောင် နန့် အဝတောင်ရွာနားတဝိုက်သို့ ကျရောက်ခရေ လို့ ဒေသခံတိက ဆိုပါရေ။
ယင်းနောက် အကြမ်းဖက် စစ်ကောင်စီစွာ ဟတ်စကီး လီယာဉ် နန့် မိုးထ ၁၁ နာရီ ၅၀ မိနစ်ကပင် နိခင်း ၁၂ နာရီ ၂၃ မိနစ်အထိ လက်နက်ကြီး / လက်နက်ချေတိနန့် ရမ်းဗြဲမြို့ကို မွှိပတ်ပစ်ခတ်နီခပါရေ။
ယင်းအပြင် အကြမ်းဖက်စစ်ကောင်စီစွာ ဂျက်တိုက်လီယာဉ်နန့် နိခင်း ၁၂နာရီ ၉ မိနစ်မာ (၁)ကြိမ် ၊ ၁၂ နာရီ ၁၀ မိနစ်မာ (၁)ကြိမ် ၊ ၁၂ နာရီ ၁၅ မိနစ်မာ (၁)ကြိမ်၊၁၂ နာရီ ၂၆မိနစ်မာ (၁)ကြိမ်၊၁၂ နာရီ ၂၈ မိနစ်မာ (၁)ကြိမ်၊ ညဇာ ၃ နာရီ ၁၁ မိနစ်မာ (၁)ကြိမ်၊ညဇာ ၆ နာရီ ၁၃ မိနစ်မာ(၁)ကြိမ်၊ စုစုပေါင်း (၇) ကြိမ် ဗုံးကြဲ၊ ပစ်ခတ်တိုက်ခိုက်ခပါရေ။
လက်ဟိအချိန်အထိလည်း လီကြောင်းတိုက်ခိုက်မှုတိ ပြင်းပြင်းထန်ထန် ဆက်လုပ်နီတုန်းလို့ ဒေသခံတိက ပြောပါရေ။
