APM ၊ မာ့ချ် ၉ / ၂၀၂၃
ပုဏ္ဏားကျွန်းမြို့နယ်၊ ပိုးရွှီပြင်ရွာတွင် ဒေနိ(မာ့ချ် ၉ ရက်နိ)၌ အရက်သောက်စားမူးယစ်ပြီး မိမိအိမ်ကို မီးတိုက်ရာမှ မီးလောင်မှုဖြစ်ပွားခကာ နီအိမ် ၃ လုံးပျက်စီး ဆုံးယှုံးလားကြောင်း သိရသည်။
မီးလောင်ပျက်စီးလားသည့်နီအိမ်များမှာ ဦးခင်မောင်၊ ဦးဘရွှေနန့် ဦးကျော်ဆန်းလှိုင်ရို့၏နီအိမ်များ ဖြစ်ကတ်သည်။
ဖြစ်စဉ်မှာ ဒေနိ နိခင်း ၁၂ နာရီကျော်ခန့်၌ ဦးခင်မောင်၏အိမ်မှ စတင်လောင် ကျွမ်းပြီး၊ယင်းမှတဆင့် အနီးအနားဟိ ဦးဘရွှေနန့် ကိုကျော်ဆန်းလှိုင်ရို့၏ နီအိမ်များပါ မီးကူးစက်လောင်ကျွမ်းခခြင်းဖြစ်ကာ နိအိမ် ၃ လုံး ပျက်စီးဆုံးယှုံး လားသည်ဟု ဆို သည်။
ယင်းနောက် ရွာသူ/ရွာသားများ၏ ဝိုင်းဝန်းကူညီငြိမ်းသတ်မှုကြောင့် နိခင်း ၁ နာရီကျော်ခန့်တွင် မီးငြိမ်းသတ် နိုင်ခသည်။
ရက္ခိုင်ပြည်တွင် ကုန်ခသည့် ဂျန်နဝါရီနန့် ဖေဖော်ဝါရီလများအတွင်း မီးလောင်မှုပေါင်း ၂၀ ကျော်ဖြစ်ပွားခပြီး ဆရာတော် တပါး အပါအဝင် လူ ၃ ဦးသီဆုံးခကြောင်း သိဟိရသည်။
