APM ၊ ဒီဇမ်ဘာ ၉ / ၂၀၂၃
ဒီဇမ်ဘာ ၈ ရက်နိ၊ ညဇာက မောင်တောမြို့နယ်မာ နွားကျောင်းနီရေ မူဆလင်ချေ တယောက်ကို စစ်ကောင်စီတပ်ဖွဲ့ဝင်တိ ပစ်သတ်လိုက်ကြောင်း သိရပါရေ။
ပစ်သတ်ခံရလူမာ မောင်တောမြို့နယ်၊ ဒု-ညောင်ပင်ကြီးရွာက ကိုအန်နာမူဟာဆောင်း(၂၂ နှစ်) ဖြစ်ပါရေ။
ဒီဇမ်ဘာ ၈ ရက်နိ၊ ညဇာ ၄ နာရီလောက်က နူရ်လ္လာ(မူဆလင်)ရွာပျက်၏ ဗလီနန့် စာသင်ကျောင်းနားမာ နွားကျောင်းနီရေ ကိုအန်နာမူဟာဆောင်းကို စစ်ကောင်စီတပ်ဖွဲ့ဝင်တိက သီနတ်နန့် လှမ်းပစ်လိုက်တေလို့ မျက်မြင်ဒေသခံတိက ပြောပါရေ။
ယင်းပစ်ခတ်ခံရမှုကြောင့် ကိုအန်နာမူဟာဆောင်းစွာ နီရာမာပင် ဂွင်တိုင်းသီဆုံးလားရေလို့ ဆိုပါရေ။
ကိုအန်နာမူဟာဆောင်း၏ ရုပ်အလောင်းကိုတော့ ယင်းနိညဇာ ၄ နာရီ ၄၅ မိနစ်မာ ရွာသားတိ လားရောက်ယူဆောင်ခကတ်ကြောင်း သိဟိရပါရေ။
ရက္ခိုင်မာ ရက္ခိုင့်တပ်တော် နန့် တကျော့ပြန်တိုက်ပွဲတိစတင်ခကတ်ပြီးနောက်ပိုင်း စစ်ကောက်စီတပ်စွာ ဒေသခံ လမ်းလားလမ်းလာတိ၊ ရီကြောင်းခရီးလားလာလူတိ၊ အရပ်သားပြည်သူတိကို ရည်ရွယ်ချက်ဟိဟိ ယမ်းကား ပစ်ခတ်သတ်ဖြတ်လို့ဟိနီပါရေ။
