APM ၊ အောက်တိုဘာ ၉ /၂၀၂၃
ပေါက်တောမြို့နယ်၊ သရက်ချောင်းရွာ သက်ငယ်မုဒိမ်းမှုဖြစ်စဉ်က ပြစ်မှုကျူးလွန်လူ တရားခံကို ရက္ခိုင်အမျိုးသားအဖွဲ့ချုပ် ULA ၏ ပေါက်တောဒေသ၊ ပြည်သူ့ရဲတပ်ဖွဲ့မှူးရုံးမာ ရာဇသတ်ကြီး ဥပဒေ ပုဒ်မ ၃၇၆ နန့် အမှုဖွင့်စစ်ဆီးနီကြောင်း တာဝန်ဟိ ပုဂ္ဂိုလ်တိက ပြောပါရေ။
“ဒေသက်ငယ်မုဒိမ်းမှုနန့်ပတ်သက်လို့ လက်ဟိမာ ကျနော်ရို့ ပုဒ်မ ၃၇၆ နန့် အမှုဖွင့်စစ်ဆီးနီပါရေ။ ဥပဒေ လုပ်ထုံးလုပ်နည်းတိနန့်အညီ စနစ်တကျကိုင်တွယ်လုပ်ဆောင်နီပါရေလို့ဆိုပါရေ။
အောက်တိုဘာ ၆ ရက်နိညဇာက သရက်ချောင်းရွာမာ အသက် ၄ နှစ်အရွယ် သမီးချေတယောက်ကို ၂၁ နှစ်အရွယ် လူငယ်တယောက်က မုဒိမ်းမှုကျူးလွန်ခစွာဖြစ်ပါရေ။
သက်ငယ်မုဒိမ်းမှုကျူးလွန်ခရေ လူငယ်စွာ ပေါက်တော ဒေသ အမှတ်(၁)နယ်မြီရုံးခွဲသို့ ကိုယ်တိုင်လာရောက် အဖမ်းခံခပနာ မုဒိမ်းမှုကျူးလွန်ကြောင်း ဝန်ခံခရေလို့ ဆိုပါရေ။
ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် ULA/AA ဦးဆောင်ရေ အာရက္ခပြည်သူ့အစိုးရအနီနန့် သက်ငယ်မုဒိမ်းမှုတိ အပါအဝင် မုဒိမ်းမှုတိနန့် ပတ်သက်ပြီးကေ အပြစ်ကျူးလွန်ရေလူတိကို ထိထိရောက်ရောက် ပြတ်ပြတ်သားသား အရေးယူ ဆောင်ရွက်လားဖို့လို့ ULA/AA ပြန်ကြားရီးတာဝန်ခံ ဦးခိုင်သုခက ပြောဆိုထားပါရေ။
