APM ၊ ဂျန်နဝါရီ ၉ / ၂၀၂၃
ဂရေဟမ်ပေါ်တာအနီနန့် ချဲလ်ဆီးကိုကိုင်တွယ်ခသည့်အစပိုင်းတွင် နိုင်ပွဲဆက်တိုက် ရခကေလေ့ နောက်ပိုင်း ရလဒ် ဆိုးများနန့် ရင်ဆိုင်လာရသည့်အတွက် ချဲလ်ဆီးနည်းပြရာထူးမှ နှုတ်ထွက်သင့်ကြောင်း မန်စီးတီးကို ယှုံးနိမ့်ခသည့် ပွဲစဉ်အပြီးမှာ ချဲလ်ဆီးအသင်း ခံစစ်မှူးဟောင်း လီဘိုးက ထုတ်ဖော်ပြောဆိုလိုက်သည်။
“လက်ဟိချဲလ်ဆီးအသင်း၏ ခြီစွမ်းက တပျင်းစိတ်ပျက်ဖို့ကောင်းနီပါရေ။ ကျနော်သိခရေ ချဲလ်ဆီး အသင်း မဟုတ် လိုက်ပါဗျာယ်။ အသင်းမှာ အပြောင်းအလဲ တခုခု လုပ်သင့်ရေပိုင် မစ္စတာပေါ်တာ အနီနန့်လေ့ ဒေလောက်နန့် ရပ် သင့်ပါဗျာယ်” ဟု လီဘိုးက ဆိုသည်။
ယင်းအပြင် ချဲလ်ဆီးအသင်းသည် ညည့်ခါက ကဇတ်ခရေ အက်ဖ်အေ ဖလားပွဲမှာ မန်စီးတီးအသင်းကို ၄ ဂိုးပြတ် နန့် ယှုံးနိမ့်ခသည့်အတွက် ပရိသတ်များ၏ လှောင်ပြောင်ခြင်းကို ခံခရသည်။
ချဲလ်ဆီးအသင်းသည် အက်ဖ်အေ မတိုင်မည် ပြိုင်ပွဲစုံ နောက်ဆုံး ၉ ပွဲမှာ နိုင်ပွဲ ၂ ပွဲရာရဟိခပြီး၊ ပရီးမီးယားလိဂ် နောက်ဆုံး ၈ ပွဲမှာ နိုင်ပွဲတပွဲရာ ရဟိခသည်။
Photo-Apex Football News
