APM ၊ စပ်တမ်ဘာ ၈ / ၂၀၂၃
ဂရိနိုင်ငံတွင် ကုန်ခသည့် စပ်တမ်ဘာ ၄ရက်နိကစ၍ မိုးကြီးရီကြီးမှုများ ဖြစ်ပွားနီရာ စပ်တမ်ဘာ ၇ရက်နိအထိ သီဆုံးလူ ၆ ယောက် ဟိလာကြောင်း ဂရိနိုင်ငံပိုင်ရုပ်သံ ERT က ကြေညာသည်။
စပ်တမ်ဘာ ၇ရက်နိက ရီကြီးမှုကြောင့် သီဆုံးခသည့် အသက်ကြီးအမျိုးသမီး ၂ယောက်အလောင်းကို ရှာတွိခသည့်အတွက် သီဆုံးလူ ၆ယောက်ဟိလာပြီး ၆ယောက်ပျောက်ဆုံးနီသိမ့်ကြောင်း ဂရိမြို့ပြကာကွယ်ရီးဝန်ကြီး ဗစ်ဆီလီစ် ခီခီလီးယစ်က ဆိုသည်။
သက်ဆလီဒေသတွင်ဟိသည့် ကျေးရွာများတွင် နီအိမ်များတွင် လူ လူ ၄၆ ယောက် ပိတ်မိနီပြီး ရှာဖွီကယ်ဆယ်ရီးသမား များက တအိမ်တက်တအိမ်ဆင်း ရှာဖွီကယ်ကယ်ရီးလုပ်ငန်းများကို လုပ်ဆောင်လားမည်ဟု ၎င်းက ဆက်ပြောခသည်။
လက်ဟိအချိန်အထိ ရီကြီးမှုအတွင်း လူပေါင်း ၈၂၀ ကို ဖီးလွတ်ရာသို့ ရွိပြောင်းထားပြီး ဖီးလွတ်ရာသို့ ထပ်မံရွိပြောင်းပီးရန် အာဏာပိုင်များကို တောင်းဆိုမှုပေါင်း ၅၀၀၀ နီးပါး လက်ခံရဟိထားသည်ဟု ဆိုသည်။
ထရီကာလာ နန့် ကာဒစ်ဆာမြို့များတွင် ရီကြီးမှုကြောင့် ဆည်များကျိုးကျခရာ လယ်ယာမြီ၊ မွီးမြူရီးလုပ်ငန်းများနန့် စီးပွားရီး လုပ်ငန်းများ ထိခိုက်ခပြီး လျှပ်စစ်မီးပြတ်တောက်နီကြောင်း သိဟိရသည်။
Source – Death toll from floods in Greece reaches 6
Photo Xinhua
