APM၊ စပ်တမ်ဘာ ၈/၂၀၂၃
ရသေ့တောက်မြို့ထက်မှ စစ်ဖီးယှောင်စခန်းများတွင် လက်ဟိ၌ စားနက်ရိက္ခာ အခက်အခဲများနန့် ဆိုးဆိုးဝါးဝါး ရင်ဆိုင်နီရကြောင်းသိရပါသည်။
ရသေ့တောင်မြို့ထက်တွင် စစ်ဖီးယှောင်စခန်း ၂၄ ခု နန့် လူဦးရေ ၁၃၄၇၀ ယောက် ခိုလှုံလျက်ဟိပြီး မုန်တိုင်းကြောင့် နီစရာအဆောင်များ ပြိုပျက်လား၍ ယာယီဆောက်လုပ်နီထိုင်ကတ်ရကာ လက်ဟိတွင် စားနက်ရိက္ခာများ ရေးတကြီးလိုအပ်နီ ကြောင်းစစ်ဖီးယှောင်များကပြောသည်။
ယင်းစခန်းမှ စစ်ဖီးယှောင်များမှာ မြို့ပေါ်တွင် နိစားအငှားအလုပ်ကာ စားဝတ်နီရီးဖြေယှင်းနီကတ်ရလူများဖြစ်ပြီး မုန်တိုင်းပြီးနောက်ပိုင်း အလုပ်အကိုင်ယှားပါးလားသည့်အပြင် အလှူသျှင်များလည်း နည်းပါးလား၍ ဖြစ်တေပိုင်ချီးငှားစားသောက်နီကတ်ရသည် ဟုဆိုသည်။
ရသေ့တောင်မြို့ထက်တွင် စစ်ဖီးယှောင်စခန်း၂၄ ခုဟိပြီး မုန်တိုင်းကြောင့် အဆောင်များပြိုပျက်လား၍ အဂုခါ ကန်စပ်များဖြင့် ယာယီ ဆောက်လုပ်နီထိုင်ကတ်ရကြောင်း သိဟိရသည်။
