APM ၊ စပ်တမ်ဘာ ၈ / ၂၀၂၃
ဒေရာသီတွင် ရီးရဲအသင်း၌ ပွဲထွက်ကဇတ်ခွင့်နည်းပါး၍ အရန်ကဇတ်သမားအဖြစ်ပါဝင်နီရသည့် ကွင်းလယ်ကဇတ်သမား လူကာမိုဒရစ် က အသင်းအတွက် အရေးပါသည့် ကဇတ်သမားတယောက်မဟုတ်ပါက လာဖို့အနာဂတ်မှာ ဆုံးဖြတ်ချက် ချလားမည်ဟု ပြောကြားလိုက်သည်။
ခရိုအေးသျှားလက်ရွီးစင် မိုဒရစ်သည် ရီးရဲအသင်း၏ ဒေရာသီလာလီဂါလေးပွဲတွင် ၁ ပွဲရာ လူစားဝင်ကဇတ်ခွင့်ရထားသည်။
“ဘောလုံးကဇတ်သမားတယောက်စွာ ပွဲထွက်မကဇတ်ရဘဲ ပျော်ရေလို့မဟိပါ။ နည်းပြ၏ဆုံးဖြတ်ချက်ကို ကျနော် လိုက်နာရကေလေ့ ကျနော် လိုချင်စွာက ပြိုင်ဆိုင်မှု ပြင်းထန်ရေ ကဇတ်သမားတယောက်အဖြစ် နန့် ပါ။ အသင်းက ဆက်နီစီချင်လို့ စာချုပ်သစ် ချုပ်ခပိုင် ကျနော့်အနီနန့်လည်း အသင်းအတွက်အကောင်းဆုံးကြိုးစားဖို့ ဆုံးဖြတ်ထားပါရေ။ အသင်းအတွက်ရာ အရေးမပါဆိုကေ အနာဂတ်ကို စဉ်စားရပါဖို့ ဟု မိုဒရစ် က Sportske Novosti သို့ ပြောကြားခသည်။
အသက် ၃၇ နှစ်အရွယ် ဝါရင့်ကွင်းလယ်ကဇတ်သမား သည် ပြီးခသည့် ဂျုန်လက ရီးရဲမက်ဒရစ် အသင်း နန့် စာချုပ်သစ် ထပ်မံချုပ်ဆိုခပြီးနောက် လက်ဟိတွင် ပွဲထွက်ကဇတ်ခွင့်ပြသနာဖြင့် ရင်ဆိုင်နီရသည်။
ရီးရဲမက်ဒရစ်အသင်းသည် လက်ဟိတွင် လာလီဂါ ၄ ပွဲ ကဇတ်ပြီးနောက် ယှုံးပွဲမဟိ၊ ရမှတ် ၁၂ မှတ်ဖြင့် အမှတ်ပီးဇယားထိပ်ဆုံး၌ ရပ်တည်နီသည်။
Souece- Modric said that if he is not an important player for Real Madrid, he will decide his future/90min
Photo- Marca.com
