APM၊ စပ်တမ်ဘာ ၈/၂၀၂၂
ဒေရက်ပိုင်းအတွင်း ကျောက်ဖြူနန့်မာန်အောင်မြို့နယ်ရို့တွင် စစ်ကောင်စီတပ်နန့် ရဲတပ်ဖွဲ့ဝင်များက ဧည့်စာရင်းစစ်သည်ဟု အကြောင်းပြကာ လူနီအိမ်များကို တအိမ်တက်၊ တအိမ်ဆင်း စီးနင်းဝင်ရောက် မွှီနှောက် ရှာဖွီမှုများ ပြုလုပ်လျက်ဟိပြီး ကျောက်ဖြူမြို့မှ အပြစ်မဲ့အရပ်သားပြည်သူ ၃ ယောက်ကို မတရားဖမ်းဆီးခေါ်ဆောင်လားကြောင်း သိရသည်။
စပ်တမ်ဘာ ၇ ရက်နိညည့် ၁၀ နာရီခန့်က ကျောက်ဖြူအခြီစိုက် စစ်ကောင်စီတပ် ခလရ(၃၄)တပ်ရင်းမှ စစ်ကောင်စီ တပ်ဖွဲ့ ဝင်များ နန့် ရဲတပ်ဖွဲ့ဝင် ပူးပေါင်းအင်အား ၄၀ ကျော်သည် အရာဟိရပ်ကွက်၊ စေတီတောင်ရပ်ကွက်၊ အစိုးရရပ်ကွက်နန့် ရခိုင် ပိုက်ဆိပ်ရပ်ကွက် စသည့်မြို့ပေါ်ရပ်ကွက်များ၌ နီအိမ်တချို့ကို အတင်းအဓမ္မဝင်ရောက် မွှီနှောက်ရှာဖွီ စစ်ဆီးကာ လက်နက် အားကိုးဖြင့် အပြစ်မဲ့ ပြည်သူ ၃ ယောက်အား အနိုင်ကျင့် ဖမ်းခေါ်လားခသည်။
အဖမ်းခံရသူ ၃ ယောက်မှာ ကျောက်ဖြူမြို့ စေတီတောင်ရပ်ကွက်မှ ကိုဝင်းနိုင်(၂၉နှစ်)၊ အစိုးရရပ်ကွက်မှ ဆလိုင်းကိုအေး (ခ) ကစိ (၄၃နှစ်) နန့် ရခိုင်ပိုက်ဆိပ်ရပ်ကွက်မှ ဦးဦးဘသန်း (၄၂နှစ်) ရို့ဖြစ်ကတ်သည်။
စပ်တမ်ဘာ ၇ ရက်နိက ခလရ(၃၄) တပ်ရင်းမှ ဗိုလ်ကြီး ရဲဇော်ထက် ဦးဆောင်သည့် စစ်ကောင်စီတပ်ဖွဲ့ဝင်များနန့် ရဲတပ်ဖွဲ့ဝင် ပူးပေါင်းအင်အား ၄၀ ခန့်သည် ဦးဦးဘသန်းကို ညည့် ၁၁ နာရီခန့်တွင်၊ ကိုဝင်းနိုင်ကို ညည့်၁၂ နာရီခန့်တွင် နီအိမ်အသီးသီး က ဖမ်းဆီးခေါ်ဆောင်လားခသည်ဟု သိရသည်။
ဆလိုင်းကိုအေးကိုတော့ ခလရ (၃၄) တပ်ရင်းမှ ဒုတပ်ရင်းမှူး ဗိုလ်မှူး ထက်အောင်ကျော် ကိုယ်တိုင် ဦးဆောင်ကာ တပ်ဖွဲ့ဝင် ၁၀ ကျော်ဖြင့် ယင်းနိ ညည့် ၁၁ နာရီကျော် အချိန်၌ နီအိမ်မှ ဖမ်းခေါ်လားခခြင်း ဖြစ်သည်။
ယင်းအဖမ်းဆီးခံ ၃ယောက်ကို ခလရ(၃၄)တပ်ရင်းတွင် ထိန်းသိမ်းထားပြီး လူမဆန်စွာ ရိုက်နှက်စစ်ဆီးနီကြောင်း သိရသည်။
အလားတူ မာန်အောင်မြို့နယ်၊ သစ်ပုံရွာတွင်လေ့ စပ်တမ်ဘာ ၇ ရက်နိညည့်က ဧည့်စာရင်းစစ်သည်ဟုဆိုကာ မာန်အောင်မြို့ နယ် ကမူတောင်အခြီစိုက် စစ်ကောင်စီတပ်ခမရ(၃၄၄)တပ်ရင်းမှ တပ်ဖွဲ့ဝင်များနန့်ရဲတပ်ဖွဲ့ဝင်များက အကြမ်းပတမ်းစီးနင်းဝင် ရောက်ကာ တအိမ်တက်၊တအိမ်ဆင်း ဝင်ရောက်မွှီနှောက်ရှာဖွီမှုများပြုလုပ်သဖြင့် ရွာသားတချို့တိမ်းယှောင်နီကတ်ရကြောင်း သတင်းရဟိသည်။
(Zawgyi)
ေက်ာက္ျဖဴ နန႔္ မာန္ေအာင္မွာ စစ္ေကာင္စီတပ္က လူနီအိမ္မ်ားကို အဓမၼစီးနင္းဝင္မႊီနီ၊ ေက်ာက္ျဖဴမွ အျပစ္မဲ့ျပည္သူ ၃ ေယာက္ကို မတရားဖမ္းဆီး
APM၊ စပ္တမ္ဘာ ၈/၂၀၂၂
ေဒရက္ပိုင္းအတြင္း ေက်ာက္ျဖဴနန႔္မာန္ေအာင္ၿမိဳ႕နယ္႐ို႕တြင္ စစ္ေကာင္စီတပ္နန႔္ ရဲတပ္ဖြဲ႕ဝင္မ်ားက ဧည့္စာရင္းစစ္သည္ဟု အေၾကာင္းျပကာ လူနီအိမ္မ်ားကို တအိမ္တက္၊ တအိမ္ဆင္း စီးနင္းဝင္ေရာက္ မႊီေႏွာက္ ရွာဖြီမႈမ်ား ျပဳလုပ္လ်က္ဟိၿပီး ေက်ာက္ျဖဴၿမိဳ႕မွ အျပစ္မဲ့အရပ္သားျပည္သူ ၃ ေယာက္ကို မတရားဖမ္းဆီးေခၚေဆာင္လားေၾကာင္း သိရသည္။
စပ္တမ္ဘာ ၇ ရက္နိညည့္ ၁၀ နာရီခန႔္က ေက်ာက္ျဖဴအၿခီစိုက္ စစ္ေကာင္စီတပ္ ခလရ(၃၄)တပ္ရင္းမွ စစ္ေကာင္စီ တပ္ဖြဲ႕ ဝင္မ်ား နန႔္ ရဲတပ္ဖြဲ႕ဝင္ ပူးေပါင္းအင္အား ၄၀ ေက်ာ္သည္ အရာဟိရပ္ကြက္၊ ေစတီေတာင္ရပ္ကြက္၊ အစိုးရရပ္ကြက္နန႔္ ရခိုင္ ပိုက္ဆိပ္ရပ္ကြက္ စသည့္ၿမိဳ႕ေပၚရပ္ကြက္မ်ား၌ နီအိမ္တခ်ိဳ႕ကို အတင္းအဓမၼဝင္ေရာက္ မႊီေႏွာက္ရွာဖြီ စစ္ဆီးကာ လက္နက္ အားကိုးျဖင့္ အျပစ္မဲ့ ျပည္သူ ၃ ေယာက္အား အႏိုင္က်င့္ ဖမ္းေခၚလားခသည္။
အဖမ္းခံရသူ ၃ ေယာက္မွာ ေက်ာက္ျဖဴၿမိဳ႕ ေစတီေတာင္ရပ္ကြက္မွ ကိုဝင္းႏိုင္(၂၉ႏွစ္)၊ အစိုးရရပ္ကြက္မွ ဆလိုင္းကိုေအး (ခ) ကစိ (၄၃ႏွစ္) နန႔္ ရခိုင္ပိုက္ဆိပ္ရပ္ကြက္မွ ဦးဦးဘသန္း (၄၂ႏွစ္) ႐ို႕ျဖစ္ကတ္သည္။
စပ္တမ္ဘာ ၇ ရက္နိက ခလရ(၃၄) တပ္ရင္းမွ ဗိုလ္ႀကီး ရဲေဇာ္ထက္ ဦးေဆာင္သည့္ စစ္ေကာင္စီတပ္ဖြဲ႕ဝင္မ်ားနန႔္ ရဲတပ္ဖြဲ႕ဝင္ ပူးေပါင္းအင္အား ၄၀ ခန႔္သည္ ဦးဦးဘသန္းကို ညည့္ ၁၁ နာရီခန္႔တြင္၊ ကိုဝင္းႏိုင္ကို ညည့္၁၂ နာရီခန႔္တြင္ နီအိမ္အသီးသီး က ဖမ္းဆီးေခၚေဆာင္လားခသည္ဟု သိရသည္။
ဆလိုင္းကိုေအးကိုေတာ့ ခလရ (၃၄) တပ္ရင္းမွ ဒုတပ္ရင္းမႉး ဗိုလ္မႉး ထက္ေအာင္ေက်ာ္ ကိုယ္တိုင္ ဦးေဆာင္ကာ တပ္ဖြဲ႕ဝင္ ၁၀ ေက်ာ္ျဖင့္ ယင္းနိ ညည့္ ၁၁ နာရီေက်ာ္ အခ်ိန္၌ နီအိမ္မွ ဖမ္းေခၚလားချခင္း ျဖစ္သည္။
ယင္းအဖမ္းဆီးခံ ၃ေယာက္ကို ခလရ(၃၄)တပ္ရင္းတြင္ ထိန္းသိမ္းထားၿပီး လူမဆန္စြာ ႐ိုက္ႏွက္စစ္ဆီးနီေၾကာင္း သိရသည္။
အလားတူ မာန္ေအာင္ၿမိဳ႕နယ္၊ သစ္ပုံ႐ြာတြင္ေလ့ စပ္တမ္ဘာ ၇ ရက္နိညည့္က ဧည့္စာရင္းစစ္သည္ဟုဆိုကာ မာန္ေအာင္ၿမိဳ႕ နယ္ ကမူေတာင္အၿခီစိုက္ စစ္ေကာင္စီတပ္ခမရ(၃၄၄)တပ္ရင္းမွ တပ္ဖြဲ႕ဝင္မ်ားနန႔္ရဲတပ္ဖြဲ႕ဝင္မ်ားက အၾကမ္းပတမ္းစီးနင္းဝင္ ေရာက္ကာ တအိမ္တက္၊တအိမ္ဆင္း ဝင္ေရာက္မႊီေႏွာက္ရွာဖြီမႈမ်ားျပဳလုပ္သျဖင့္ ႐ြာသားတခ်ိဳ႕တိမ္းေယွာင္နီကတ္ရေၾကာင္း သတင္းရဟိသည္။
