APM၊ စပ်တမ်ဘာ ၈/၂၀၂၂
ကျောက်တော်မြို့နယ်တွင် စပ်တမ်ဘာ ၈ ရက်နိ ညဇာ ၄ နာရီခန့်က စစ်ကောင်စီတပ် ထောင်ထားသောမိုင်းကို တက်နင်းမိ၍ ပေါက်ကွဲမှုဖြစ်ပြီး ဒေသခံ တယောက် ပြင်းပြင်းထန်ထန်ဒဏ်ရာရလားခကြောင်း သတင်းရဟိသည်။
ဒဏ်ရာရလားခသူမှာ ကျောက်တော်မြို့နယ်၊ ကွမ်းအုံစုရွာမှ ဦးဘရွှေ (၄၁ နှစ်) ဖြစ်ပြီး၊ ရွာ၏အနောက်ဖက် ၂ မိုင်ခန့်အကွာ ဆနွင်းတောင်သို့ ဝါးထမ်းလားစဉ် စစ်ကောင်စီတပ် ထောင်ထားသည့်မိုင်းကို နင်းမိခြင်းဖြစ်သည်။
ယင်းမိုင်းပေါက်ကွဲမှုကြောင့် ဦးဘရွှေ၏ ညာဖက်ခြီထောက် ပြတ်ထွက်လားကာ ပုဏ္ဏားကျွန်းမြို့နယ် ယိုးတရုတ်တိုက်နယ် ဆီးရုံ၌ ကုသမှုခံယူနီကြောင်းသိရသည်။ ကွမ်းအုံစုရွာသည် ကျောက်တော်နန့် ပုဏ္ဏားကျွန်းမြို့နယ်အစပ် တွင် တည်ဟိပြီး ကျောက်တော်မြို့နယ် အပိုင်ဖြစ်သည်။
ဦးဘရွှေ မိုင်းနင်းမိခသည့် ဆနွင်းတောင်တွင် လက်ဟိအချိန်ထိ ကျောက်တော်အခြီစိုက် စစ်ကောင်စီတပ် ခမရ(၅၃၉) တပ်ရင်းမှ တပ်ဖွဲ့ဝင်များ တပ်စွဲနီရာယူထားကာ တပ်စခန်းအနားပတ်ဝန်းကျင်နန့်အများပြည်သူအသုံးပြုနီသည့် လမ်းများထက်တွင်မြီမြှုပ် မိုင်းများကို ထောင်ထားသည်ဟု သိရသည်။
ရက္ခိုင်ပြည်မြို့နယ်များ၌ ကုန်ခသည့် မေလမှစ၍ မိုင်းပေါက်ကွဲမှုများ မကြာမကြာ ဖြစ်ပွားနီပြီး၊ အပြစ်မဲ့အရပ်သားပြည်သူများ သီဆုံးမှု၊ ထိခိုက်ဒဏ်ရာမှုများ ဆက်တိုက်ဖြစ်ပွားလျက်ဟိသည်။
မိုင်းပေါက်ကွဲမှုများသည် စစ်ကောင်စီတပ်ရင်း၊ တပ်ဖွဲ့များနန့်နီးစပ်သည့်နီရာများ၊စစ်ကောင်စီတပ် တပ်စွဲနီထိုင်ခသည့် နီရာများ နန့် အယင်က တိုက်ပွဲဖြစ်ပွားခသည့် နီရာများ၌ ပေါက်ကွဲနီခြင်းဖြစ်ပြီး၊ ယင်းသို့ မိုင်းပေါက်ကွဲမှုများကြောင့် အရပ်သား ပြည်သူ များ၏ အသက်၊ ကိုယ်လက်အင်္ဂါ ဆုံးယှုံးမှု၊ဒေသခံလယ်သမားများ ပိုင်ဆိုင်သည့် ကျွဲ၊နွားသီဆုံးမှုများမကြာမကြာဖြစ်ပေါ်လျက် ဟိသည်။
(Zawgyi)
စစ္ေကာင္စီတပ္ ေထာင္ထားသည့္မိုင္းကို နင္းမိ၍ ေက်ာက္ေတာ္ေဒသခံတေယာက္ ျပင္းျပင္းထန္ထန္ ဒဏ္ရာရ
APM၊ စပ္တမ္ဘာ ၈/၂၀၂၂
ေက်ာက္ေတာ္ၿမိဳ႕နယ္တြင္ စပ္တမ္ဘာ ၈ ရက္နိ ညဇာ ၄ နာရီခန႔္က စစ္ေကာင္စီတပ္ ေထာင္ထားေသာမိုင္းကို တက္နင္းမိ၍ ေပါက္ကြဲမႈျဖစ္ၿပီး ေဒသခံ တေယာက္ ျပင္းျပင္းထန္ထန္ဒဏ္ရာရလားခေၾကာင္း သတင္းရဟိသည္။
ဒဏ္ရာရလားခသူမွာ ေက်ာက္ေတာ္ၿမိဳ႕နယ္၊ ကြမ္းအုံစု႐ြာမွ ဦးဘေ႐ႊ (၄၁ ႏွစ္) ျဖစ္ၿပီး၊ ႐ြာ၏အေနာက္ဖက္ ၂ မိုင္ခန္႔အကြာ ဆႏြင္းေတာင္သို႔ ဝါးထမ္းလားစဥ္ စစ္ေကာင္စီတပ္ ေထာင္ထားသည့္မိုင္းကို နင္းမိျခင္းျဖစ္သည္။
ယင္းမိုင္းေပါက္ကြဲမႈေၾကာင့္ ဦးဘေ႐ႊ၏ ညာဖက္ၿခီေထာက္ ျပတ္ထြက္လားကာ ပုဏၰားကြၽန္းၿမိဳ႕နယ္ ယိုးတ႐ုတ္တိုက္နယ္ ဆီး႐ုံ၌ ကုသမႈခံယူနီေၾကာင္းသိရသည္။ ကြမ္းအုံစု႐ြာသည္ ေက်ာက္ေတာ္နန႔္ ပုဏၰားကြၽန္းၿမိဳ႕နယ္အစပ္ တြင္ တည္ဟိၿပီး ေက်ာက္ေတာ္ၿမိဳ႕နယ္ အပိုင္ျဖစ္သည္။
ဦးဘေ႐ႊ မိုင္းနင္းမိခသည့္ ဆႏြင္းေတာင္တြင္ လက္ဟိအခ်ိန္ထိ ေက်ာက္ေတာ္အၿခီစိုက္ စစ္ေကာင္စီတပ္ ခမရ(၅၃၉) တပ္ရင္းမွ တပ္ဖြဲ႕ဝင္မ်ား တပ္စြဲနီရာယူထားကာ တပ္စခန္းအနားပတ္ဝန္းက်င္နန႔္အမ်ားျပည္သူအသုံးျပဳနီသည့္ လမ္းမ်ားထက္တြင္ၿမီျမႇဳပ္ မိုင္းမ်ားကို ေထာင္ထားသည္ဟု သိရသည္။
ရကၡိဳင္ျပည္ၿမိဳ႕နယ္မ်ား၌ ကုန္ခသည့္ ေမလမွစ၍ မိုင္းေပါက္ကြဲမႈမ်ား မၾကာမၾကာ ျဖစ္ပြားနီၿပီး၊ အျပစ္မဲ့အရပ္သားျပည္သူမ်ား သီဆုံးမႈ၊ ထိခိုက္ဒဏ္ရာမႈမ်ား ဆက္တိုက္ျဖစ္ပြားလ်က္ဟိသည္။
မိုင္းေပါက္ကြဲမႈမ်ားသည္ စစ္ေကာင္စီတပ္ရင္း၊ တပ္ဖြဲ႕မ်ားနန႔္နီးစပ္သည့္နီရာမ်ား၊စစ္ေကာင္စီတပ္ တပ္စြဲနီထိုင္ခသည့္ နီရာမ်ား နန႔္ အယင္က တိုက္ပြဲျဖစ္ပြားခသည့္ နီရာမ်ား၌ ေပါက္ကြဲနီျခင္းျဖစ္ၿပီး၊ ယင္းသို႔ မိုင္းေပါက္ကြဲမႈမ်ားေၾကာင့္ အရပ္သား ျပည္သူ မ်ား၏ အသက္၊ ကိုယ္လက္အဂၤါ ဆုံးယႈံးမႈ၊ေဒသခံလယ္သမားမ်ား ပိုင္ဆိုင္သည့္ ကြၽဲ၊ႏြားသီဆုံးမႈမ်ားမၾကာမၾကာျဖစ္ေပၚလ်က္ ဟိသည္။
