APM ၊ သြဂတ်စ် ၈ / ၂၀၂၃
ဂျာမန် ဘွန်ဒက်လီဂါချန်ပီယံ ဘိုင်ယန်မြူးနစ်အသင်းမှ တိုက်စစ်မှူး ဟယ်ရီကိန်းအတွက် စံချိန်တင်ပြောင်းရွှိကြေး ယူရို သန်း ၁၀၀ နန့် ကမ်းလှမ်းမှုကို ပရီးမီးယားလိဂ်ကလပ် စပါးအသင်းဖက်မှ ထပ်မံပယ်ချလိုက်ကြောင်း 90min က ဖော်ပြသည်။
ဘိုင်ယန်မြူးနစ်သည် ဟာရီကိန်းအတွက် ယူရို သန်း ၁၀၀ တန် ပက်ကေ့ချ် နန့် တတိယအကြိမ်မြောက် ကမ်းလှမ်းခခြင်းဖြစ်ပြီး စပါးဖက်က တော့ ချက်ချင်းပယ်ချခသည်။
စပါးအသင်း နန့် စာချုပ် ၁ နှစ် ကျန်နီသိမ့်သော အင်္ဂလန်အသင်းဂေါင်းဆောင် ဟာရီကိန်းသည် အသင်းမှ ထွက်ခွာလို၍ ဘိုင်ယန် နန့် ပုဂ္ဂိုလ်ရီးဆိုင်ရာ သဘောတူညီမှု ရထားကေလေ့ ပြောင်းရွှိကြေးညှိနှိုင်းမှု အဆင်မပြေပိုင် စပါးဖက်ကလေ့ အကြိမ်ကြိမ်ပယ်ချနီသည်။
စပါးအသင်းသည် ဟာရိကိန်းအတွက် ပြောင်းရွှိကြေး ယူရို ၁၁၅ သန်းလိုချင်နီသည့်အပြင် စာချုပ်သစ် ချုပ်ရန်အတွက်လေ့ ကြိုးပမ်းလျက်ဟိကာ အသင်းပရိသတ်များကလေ့ ဟာရီကိန်းအား အသင်း၌ ဆက်ဟိစီချင်နီကြောင်း သိရသည်။
Source- Tottenham reject Bayern Munich record bid for Harry Kane/90min
Photo- Daily Mail
