APM ၊ ဂျူလိုင် ၈ / ၂၀၂၃
အာဆင်နယ်အသင်းသည် အသင်း၏ ဗဟိုခံစစ်မှူး ဝီလျံ ဆာလီဘာနန့် ၂၀၂၇ ခုနှစ်အထိ ၄ နှစ် သက်တမ်းတိုး စာချုပ် ချုပ်လိုက်ကြောင်း ဂျုန် ၆ ရက်နိက အတည်ပြုကြေညာသည်။
ဝီလျံနန့် အာဆင်အသင်း၏ အယင်စာချုပ်မှာ ၂၀၂၄ ခုနှစ်တွင် ကုန်ဆုံးမည်ဖြစ်ကေလေ့ အာဆင်နယ်အသင်းအနီနန့် ကဇတ်သမားအား ဆက်ထိန်းထားရန် သက်တမ်းတိုးစာချုပ်ချုပ်ဆိုလိုက်ခြင်းဖြစ်သည်။
“ကျနော်ရို့က ဝီလျံနန့် စာချုပ်သက်တမ်းတိုးချင်နီစွာ ကြာပါဗျာယ်။ သူက အာဆင်နယ်အသင်းအတွက် ဇာလောက်အထိ အရေးကြီးလဲဆိုစွာကို ကုန်ခရေ ရာသီက သက်သီပြထားပါရေ” ဟု နည်းပြအာတီတာက ဆိုသည်။
ယင်းအပြင် အာတီတာက “သူက အသက်က ၂၂ နှစ်ပါ။ ကဇတ်သမားတယောက် အနီနန့် သူ့အတွက် နီရာအများကြီး ဟိပါသိမ့်ရေ” ဟုလေ့ ထပ်လောင်းပြောကြားခသည်။
အသက် ၂၂ အရွယ် ဝီလျံ ဆာလီဘာသည် အာဆင်နယ်အသင်း၏ အဓိကဇတ်သမားတဦးဖြစ်ပြီး ကုန်ခသည့်ရာသီက အသင်းအတွက် ပရီးမီးယားလိဂ် ၂၇ ပွဲ ပါဝင်ကဇတ်ပီးခသည်။
Source – William Saliba: Arsenal defender signs new four-year contract
Photo – Daily Star
