APM၊ ဂျူလိုင် ၈/၂၀၂၂
မြောက်ဦးမြိုနယ်တွင် ဒေနိ (ဂျူလိုင် ၈ ရက်နိ) နိခင်း ၂ နာရီခွဲလောက်က မြောက်ဦးခမရ (၃၇၈) တပ်ရင်းအနား စစ်ကောင်စီ တပ် ထောင်ထားသောမိုင်းကိုနင်းမိ၍ ပေါက်ကွဲမှုဖြစ်ပြီး အချေ ၄ ယောက် ထိခိုက်ဒဏ်ရာရလားကာ တယောက်မှာ ဒဏ်ရာပြင်းထန်ကြောင်း သတင်းရဟိသည်။
မိုင်းပေါက်ကွဲ၍ ဒဏ်ရာရလားခသူများမှာ မြောက်ဦးမြို့နယ်၊ ပေါင်းတုတ်ရွာသစ်(မူဆလင်ရွာ) က မောင်မူချာရက်(၁၄နှစ်)၊ မောင် ချောင်ချူးအာလင်(၁၆နှစ်)၊ မောင်မာမောက်ဆာဒက်(၁၃နှစ်)နန့်မောင်အုံမော်ဆာဒက်(၁၃နှစ်)ရို့ဖြစ်ကတ်ပြီး နွားကျောင်းလားစဉ် ခမရ (၃၇၈) တပ်ရင်းအနား စစ်ကောင်စီတပ် ထောင်ထားသည့်မိုင်းကို နင်းမိခြင်းဖြစ်သည်။
ယင်းမိုင်းပေါက်ကွဲမှုကြောင့် မောင်မူချာရက်၏ ဘယ်ခြီထောက်ပွင့်ထွက်လားပြီးကျန်၃ယောက်မှာလေ့ဒဏ်ရာရဟိလားကာ မြောင်းဘွေ ပြည်သူ့ဆီးရုံသို့ ပို့ဆောင်လိုက်ရကြောင်း ရွာသားများက ပြောသည်။
ကုန်ခသည့် ဂျူလိုင် ၄ ရက်နိကလေ့ ကျောက်တော်မြို့နယ်၊ မြာလီကန်ရွာက ဦိးလှမောင်(၃၁နှစ်)သည် ရွာအပြင်သို့ နွားကျောင်း လားစဉ် စစ်ကောင်စီတပ်ထောင်ထားသော မိုင်းကို နင်းမိ၍ ပေါက်ကွဲမှုဖြစ်ပြီး အပေါက်ဝဆီးရုံ၌ ကွယ်လွန်လားခသည်။
ယင်းနည်းတူ ဂျူလိုင် ၁ ရက်နိကလေ့ ကျောက်တော်အခြီစိုက် စစ်ကောင်စီတပ် ခမရ(၃၇၅)တပ်ရင်းနားတွင် နွားလိုက် ရှာသည့် ဝက်မှိုင်းရွာသား ဦးသန်းစိန်မောင် (၄၅နှစ်)သည် မိုင်းနင်းမိ၍ ခြီထောက် တဖက်ပြတ်ထွက်လားကာ စစ်တွေဆီးရုံကြီးတွင် ဆီးကုသမှု ခံယူနီစဉ် ဂျူလိုင် ၂ ရက်နိတွင် ကွယ်လွန်လားခကြောင်း ဒေသခံများပြောကြားချက်အရသိရသည်။
မိုင်းပေါက်ကွဲမှုအများစုမှာ စစ်ကောင်စီတပ်ရင်း၊တပ်ဖွဲ့များနန့်နီးစပ်သည့်နီရာများ၊ စစ်ကောင်စီတပ် တပ်စွဲနီထိုင်ခသည့် နီရာများနန့် အယင်ကတိုက်ပွဲဖြစ်ပွားခသည့်ရွာနားရို့တွင်နွားကျောင်းနီစဉ်ဖြစ်စီ၊လယ်ထွန်နီစဉ်ဖြစ်စီ၊တောင်သို့ဟင်းရှာဖို့လားစဉ်ဖြစ်စီ ပေါက်ကွဲ ခြင်းဖြစ်သည်။
ယင်းအပြင် မိုင်းပေါက်ကွဲမှုကြောင့် လယ်သမားများပိုင်ဆိုင်သည့် ကျွဲ၊ နွားသီဆုံးမှုများ၊အရပ်သားများ၏ ကိုယ်လက်အင်္ဂါ၊ အသက် ဆုံးယှုံးမှုများ ဆက်တိုက်ဖြစ်ပေါ်လျက်ဟိကြောင်း သိဟိရပါသည်။
(Zawgyi)
ေျမာက္ဦး ခမရ(၃၇၈)တပ္ရင္းအနားတြင္ စစ္ေကာင္စီတပ္ေထာင္ထားသည့္ မိုင္းကိုနင္းမိ၍ အေခ် ၄ ေယာက္ဒဏ္ရာရ၊ တေယာက္ ဒဏ္ရာျပင္းထန္
APM၊ ဂ်ဴလိုင္ ၈/၂၀၂၂
ေျမာက္ဦးၿမိဳနယ္တြင္ ေဒနိ (ဂ်ဴလိုင္ ၈ ရက္နိ) နိခင္း ၂ နာရီခြဲေလာက္က ေျမာက္ဦး ခမရ (၃၇၈) တပ္ရင္းအနား စစ္ေကာင္စီတပ္ ေထာင္ထားေသာ မိုင္းကိုနင္းမိ၍ ေပါက္ကြဲမႈျဖစ္ၿပီး အေခ် ၄ ေယာက္ ထိခိုက္ဒဏ္ရာရလားကာ တေယာက္မွာ ဒဏ္ရာျပင္းထန္ ေၾကာင္း သတင္းရဟိသည္။
မိုင္းေပါက္ကြဲ၍ ဒဏ္ရာရလားခသူမ်ားမွာ ေျမာက္ဦးၿမိဳ႕နယ္၊ ေပါင္းတုတ္႐ြာသစ္(မူဆလင္႐ြာ) က ေမာင္မူခ်ာရက္(၁၄ႏွစ္)၊ ေမာင္ ေခ်ာင္ခ်ဴးအာလင္(၁၆ႏွစ္)၊ ေမာင္မာေမာက္ဆာဒက္(၁၃ႏွစ္)နန႔္ေမာင္အုံေမာ္ဆာဒက္(၁၃ႏွစ္)႐ို႕ျဖစ္ကတ္ၿပီး ႏြားေက်ာင္းလားစဥ္ ခမရ (၃၇၈) တပ္ရင္းအနား စစ္ေကာင္စီတပ္ ေထာင္ထားသည့္ မိုင္းကို နင္းမိျခင္းျဖစ္သည္။
ယင္းမိုင္းေပါက္ကြဲမႈေၾကာင့္ ေမာင္မူခ်ာရက္၏ ဘယ္ၿခီေထာက္ပြင့္ထြက္လားၿပီးက်န္၃ေယာက္မွာေလ့ဒဏ္ရာရဟိလားကာ ေျမာင္းေဘြ ျပည္သူ႔ဆီး႐ုံသို႔ ပို႔ေဆာင္လိုက္ရေၾကာင္း ႐ြာသားမ်ားက ေျပာသည္။
ကုန္ခသည့္ ဂ်ဴလိုင္ ၄ ရက္နိကေလ့ ေက်ာက္ေတာ္ၿမိဳ႕နယ္၊ ျမာလီကန္႐ြာက ဦိးလွေမာင္(၃၁ႏွစ္)သည္ ႐ြာအျပင္သို႔ ႏြားေက်ာင္း လားစဥ္ စစ္ေကာင္စီတပ္ေထာင္ထားေသာ မိုင္းကို နင္းမိ၍ ေပါက္ကြဲမႈျဖစ္ၿပီး အေပါက္ဝဆီး႐ုံ၌ ကြယ္လြန္လားခသည္။
ယင္းနည္းတူ ဂ်ဴလိုင္ ၁ ရက္နိကေလ့ ေက်ာက္ေတာ္အၿခီစိုက္ စစ္ေကာင္စီတပ္ ခမရ(၃၇၅)တပ္ရင္းနားတြင္ ႏြားလိုက္ ရွာသည့္ ဝက္မႈိင္း႐ြာသား ဦးသန္းစိန္ေမာင္ (၄၅ႏွစ္)သည္ မိုင္းနင္းမိ၍ ၿခီေထာက္ တဖက္ျပတ္ထြက္လားကာ စစ္ေတြဆီး႐ုံႀကီးတြင္ ဆီးကုသမႈ ခံယူနီစဥ္ ဂ်ဴလိုင္ ၂ ရက္နိတြင္ ကြယ္လြန္လားခေၾကာင္း ေဒသခံမ်ားေျပာၾကားခ်က္အရသိရသည္။
မိုင္းေပါက္ကြဲမႈအမ်ားစုမွာ စစ္ေကာင္စီတပ္ရင္း၊တပ္ဖြဲ႕မ်ားနန႔္နီးစပ္သည့္နီရာမ်ား၊ စစ္ေကာင္စီတပ္ တပ္စြဲနီထိုင္ခသည့္ နီရာမ်ားနန႔္ အယင္ကတိုက္ပြဲျဖစ္ပြားခသည့္႐ြာနား႐ို႕တြင္ႏြားေက်ာင္းနီစဥ္ျဖစ္စီ၊လယ္ထြန္နီစဥ္ျဖစ္စီ၊ေတာင္သို႔ဟင္းရွာဖို႔လားစဥ္ျဖစ္စီ ေပါက္ကြဲ ျခင္းျဖစ္သည္။
ယင္းအျပင္ မိုင္းေပါက္ကြဲမႈေၾကာင့္ လယ္သမားမ်ားပိုင္ဆိုင္သည့္ ကြၽဲ၊ ႏြားသီဆုံးမႈမ်ား၊အရပ္သားမ်ား၏ ကိုယ္လက္အဂၤါ၊ အသက္ ဆုံးယႈံးမႈမ်ား ဆက္တိုက္ျဖစ္ေပၚလ်က္ဟိေၾကာင္း သိဟိရပါသည္။
