APM ၊ ဧပြီ ၈ / ၂၀၂၄
ဧပြီ ၇ ရက်နိမာ သံတွဲမြို့နယ်၊ ခမောင်းတုန်းရွာအောက် နားမာတန့်ထားရေ အကြမ်းဖက်စစ်ကောင် စီနေဗီက တောင်ကုတ်မြို့နယ်ဖက်သို့ လက်နက်ကြီးနန့်လှမ်းပစ်ခရေလို့ သိရပါရေ။
ခမောင်းတုန်းရွာအောက်ဖက် ရီမိုင် ၂ မိုင်လောက်အကွာ ပင်လယ်ပြင်မာ တန့်ထားရေ အကြမ်းဖက်စစ်ကောင်စီနေဗီက ဧပြီ ၇ ရက်နိ၊ နိခင်း ၁၂ နာရီ ၄၉ မိနစ်ကစလို့ နိခင်း ၁ နာရီ ၇ မိနစ်အချိန်ထိလက်နက်ကြီးနန့် (၆)ကြိမ်ပစ်ခတ်ခရေလို့ ဒေသခံတိက ပြောပါရေ။
အကြမ်းဖက်စစ်ကောင်စီနေဗီက ပစ်ခတ်တေ လက်နက်ကြီးကျည်တိစွာ တောင်ကုတ်မြို့နယ်ထဲက ရပ်ရွာတချို့အနားမာ ကျရောက်ပေါက်ကွဲခရေလို့ ဆိုပါရေ။
ယင်းသို့ လက်နက်ကြီးတိ ကျရောက်ပေါက်ကွဲမှုကြောင့် အပါးဟပ်စပ် ရပ်ရွာတိက ရပ်သူ ရွာသားတိ ဖီးလွှတ်ရာသို့ တိမ်းယှောင်နီကတ်ရရေလို့ သိရပါရေ။
အကြမ်းဖက်စစ်ကောင်စီနေဗီက တိုက်ပွဲဖြစ်ပွားခြင်းမဟိဘဲတောင်ကုတ်၊ သံတွဲမြို့နယ် ကြားရွာတိကို လက်နက်ကြီးတိနန့် မကြာမကြာပစ်ခတ်နီရေပိုင်ကုန်ခရေ ရက်ပိုင်းကလည်း သံတွဲ၊ တောင်ကုတ်မြို့ နယ်နှစ်ခုစပ်ကြားဒေသသို့ စစ်ကောင်စီနေဗီက လက်နက်ကြီး ပစ်ခတ်ခပါသိမ့်ရေ။
အလားတူ သံတွဲမြို့နယ် သူဌေးချောင်းရီအားလျှပ် စစ်စီမံကိန်းဧရိယာမာ ဝင်ရောက်အခြီပြုတပ်စွဲထားရေ အကြမ်းဖက်စစ်ကောင်စီပ်ကလည်း လက် နက်ကြီးပစ်ခတ်မှုတိကို နိတိုင်းဆိုပိုင် ပြုလုပ်နီရေလို့ သိဟိရပါရေ။
