APM ၊ ဧပြီ ၈ / ၂၀၂၃
အယှုံးပေါ်သည်ဟုဆိုကာ ၁ နှစ်နီးပါးကြာ ရပ်နားထားသည့် ကစ္ဆပနဒီ(၁)အမြန်ရီယာဉ်၏ စစ်တွေ-တောင်ကုတ် ခရီစဉ်ကို ဧပြီ ၇ ရက်နိကစ၍ ပုံမှန်ပြန်လည်ဗြီးဆွဲနီကြောင်း သိရသည်။
ယင်းအမြန်ရီယာဉ်ခရီးစဉ်ကို အပတ်စဉ် သောကြာနိတွင် စစ်တွေမြို့က ထွက်ခွာလားပြီး စနီနိတွင် တောင်ကုတ်မြို့ကနီ ပြန်လည် ထွက်ခွာလာမည်ဖြစ်ကာ လမ်းခရီးတွင် မြေပုံနန့် ကျောက်ဖြူကို ဝင်ရောက်ဆိုက်ကပ်မည်ဟု ယာဉ်လိုင်တာဝန် ဟိသူများက ပြောသည်။
ယင်းအပြင် အပတ်စဉ် ဗုဒ္ဓဟူးနိတွင် စစ်တွေ-ကျောက်ဖြူ၊ ကြာသပတီးနိတွင် ကျောက်ဖြူ-စစ်တွေနန့် တလင်းဂနီနိတွင် ကျောက်ဖြူ-မြေပုံ-စစ်တွေ ရို့ကိုလေ့ သီးသန့်ဗြီးဆွဲလားမည်ဟုလေ့ ဆိုသည်။
အဆိုပါကစ္ဆပနဒီ(၁)အမြန်ရီယာဉ်၌ ခရီးသည် ၃၀၀ခန့်စီးနင်းလိုက်ပါနိုင်ပြီး လက်မှတ်ခအဖြစ် စစ်တွေ-ကျောက်ဖြူ ၂၀၀၀၀ကျပ်၊ကျောက်ဖြူ-တောင်ကုတ်၁၅၀၀၀ကျပ်နန့် ကျောက်ဖြူ-မြေပုံ ၁၅၀၀၀ ကျပ်သတ်မှတ် ထားကြောင်းသိရသည်။
Photo – IWT
